1 Samuel 10:23 - Manobo Western Bukidnon OT

²³ Ne zutun nemelelaǥuy sikandan ne migkuwa zan si Saul. Ne hein impehitindeg dan diyà te teliwazà, iyan sikandin kinemelengkawan te langun.

1 Samuel 10:23 ပူးပေါင်းရင်းမြစ်များ

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”

1 Samuel 17:4

Duen sevaha he etew he tig-Gat he metau he ebpekidtebek. Iyan ngazan din si Goliat. Migawas dutun te kampu te menge Filistihanen ne mid-uvayan din is kampu te menge Israilihanen. Subra he siyam he ǥiek is kelangkew zin.

1 Samuel 9:1

Duen etew he kepuun te tribu ni Benjamin. Nekilala sikandin tenged te zekelà is ketiǥeyunan din. Iyan ngazan din si Kish, anak sikandin ni Abiel. Si Abiel ne anak ni Zeror. Si Zeror ne anak ni Becorat. Ne si Becorat anak ni Afia he kevuwazan ni Benjamin.

1 Samuel 9:2

Heini si Kish, duen anak din he egngezanan ki Saul he vetan-en pa. Mekempet he kenakan. Diyà te Israel wazà ebpekerepeng kandin te kekempet wey wazà ebpekerepeng kandin te kelangkew; iyan sikandin kinemelengkawan diyà te Israel.