1 Samuel 10:21 - Manobo Western Bukidnon OT

²¹ Impeuvey ni Samuel te etuvangan is tribu ni Benjamin he mibpesibsivayà is kada sengeepuan, ne iyan nepilì is teǥiapù ki Matri. Ne is nepilian dutun te menge grupu te menge pemilya he teǥiapù ki Marti iyan si Saul he anak ni Kish. Piru hein mibpen-ehè dan si Saul, wazè dan maahà.

1 Samuel 10:21 ပူးပေါင်းရင်းမြစ်များ

2 Samuel 3:19

Mibpekidlalag daan si Abner te tribu ni Benjamin. Ne midhendiyà sikandin te Hebron te kebpenudtul ki David he ed-uyun is menge etew te Israel wey te Benjamin he iyan en hadì dan sikandin.

Erubasa 18:18

Is kedripa ebpeketavang te kesamuk, ebpeketavang daan te kedhusey te kasu te zezuwa he gemhanan he etew.

Jonas 1:7

Ne mibpelelelaǥà is menge terebahanti zutun te varku, ne iyan neuyunan dan he ibarè dan pinaaǥi te ripa ke hentei is edsilutan he iyan hinungdan he impepengeramag te utew mevandes. Ne zutun te kedripa zan iyan neripahan si Jonas.

1 Samuel 10:20

Ne zutun impeuvey ni Samuel is kada tribu te Israel, ne iyan nepilian is tribu ni Benjamin.

1 Samuel 10:22

Umbe, nenginginsà is menge etew ziyà te Nengazen te, “Kayi ve sikandin?” Midtavak is Nengazen, “Uya, kayi sikandin. Mid-eles dà sikandin kayi te menge uwiten.”

1 Samuel 9:2

Heini si Kish, duen anak din he egngezanan ki Saul he vetan-en pa. Mekempet he kenakan. Diyà te Israel wazà ebpekerepeng kandin te kekempet wey wazà ebpekerepeng kandin te kelangkew; iyan sikandin kinemelengkawan diyà te Israel.