1 Samuel 10:16 - Manobo Western Bukidnon OT

¹⁶ Midtavak si Saul te, “Mibpesarig sikandin he egkeehè ded kes menge asnu.” Piru wazà keǥiya ni Saul ziyà te anggam din is migkaǥi ni Samuel mehitenged te kegkehimuwa kandin he hadì.

1 Samuel 10:16 ပူးပေါင်းရင်းမြစ်များ

Exodus 4:18

Ne mid-ulì si Moises diyà te enuǥang din he si Jetro ne migkeǥiyan din te, “Tuǥuti a kenikew te kedlikù diyà te menge kezumahan ku ziyà te Ehipto te ked-ahà ke menge uuyag ded be sikandan.” Ne midtavak si Jetro te, “Uya, egkehimu he egenat ka, ne verakat he meupiya is hipanew nu.”

Erubasa 12:23

Kenà ebpehivantug is etew he uluwanen mehitenged te netuenan din, piru is menge tulebung, ibpezalig dan mulà is tinulebung he menge vaal zan.

Erubasa 29:11

Is etew he tulebung kenè din egkeeǥen is pauk din, iyan, is etew he uluwanen egkeeǥen din mulà is kandin he pauk.

Megwewali 3:7

duen timpu te kebindas wey timpu zaan te kedapi, duen timpu te kebpereremek wey timpu zaan te kegkaǥi,

Zatù 14:6

Ne si Samson, mibeǥayan sikandin te ǥehem te Mulin-ulin te Nengazen, ne zutun mibaas din haazà is erimaung pinaaǥi zà te menge velad din he henduen be te nati zà he kambing is mibaas din. Piru wazè din haazà tudtula te menge ǥinikanan din.

Zatù 14:9

Migkuwa sikandin duen te teneb ne migkaan din dutun te kedhipanew zin. Ne hein nelambag din is menge ginikanan din, mibeǥayan din te teneb, ne migkaan dan haazà. Piru wazè din sikandan tudtuli he ziyè din haazà mekuwa te lawa zuen te minatey he erimaung.

1 Samuel 10:15

Migkaǥi is anggam ni Saul te, “Tudtuli a ke hengkey is migkaǥi ni Samuel kenikew.”

1 Samuel 9:20

Mehitenged te menge asnu he tetelu en he andew is kegketazin dan, kenè ka meseeng su neehè en. Ne ǥuntaan egkeǥiyen ku kenikew he sikew wey is pemilya te amey nu, ne iyan ed-eluyen layun te menge Israilihanen he iyan egkehimu he ebpengulu kandan.”

1 Samuel 9:27

Hein diyè dan en te ǥawas dutun te inged, migkeǥiyan ni Samuel si Saul te, “Ipehuna nu en heeyan is suluǥuen nu su zuen pa ebitiyeraan ta meǥaan dà. Egkeǥiyen ku kenikew is migkaǥi te Megbevayà.” Umbe midhune en kes suluǥuen.