1 Samuel 1:9 - Manobo Western Bukidnon OT

^9-10 Sevaha he andew zutun, nekepasad dan he egkaan diyà te valey te Nengazen diyà te Shilo, midhitindeg si Hana ne nengemuyù ne ebpekesineǥew en, tenged te utew mesakit is gehinawa zin. Ebpimpinuu zutun si Eli is memumuhat te uvey te ǥemawan te valey te Nengazen.

1 Samuel 1:9 ပူးပေါင်းရင်းမြစ်များ

2 Samuel 7:2

Ne sevaha he andew, migkeǥiyan ni David is ebpeneuven he si Natan te, “Kayi e en guntaan med-ubpà te utew mekempet he ubpeey he is menge pengawid din, ne ebpuun te kayu he sidru, piru haazà is Kavan te Kebpekid-uyun te Megbevayà ne zutun dà te tulda.”

Salmo 27:4

Duen sevaha he mibuyù ku ziyà te Nengazen he utew ku en egkesuati he iyan is: kebpekeubpè ku ziyà te valey zin seled te tivuuk he untung ku, ne zutun egkepurung ku egkengunùngunù is keupiya zin, ne ebpekahangyù a ziyà te kandin he giyahi e zin.

Salmo 29:9

Is laǥeng te Nengazen, ebpekepaanak te selazeng wey ebpekepetaktak te zahun te menge kayu. Ne ziyà te valey zin ibensag te langun is lalag he, “Mekeǥeǥehem is Megbevayà!”

Salmo 5:7

Iyan, siak mulà, ebpekeseled a ziyà te valey nu he segradu su ǥeina te utew a kenikew mibmahal. Ne zutun ku sikew ed-ezapa te ked-azap duma te zekelà he kedtahud kenikew.

Exodus 21:6

Emun iyan haazà, kinahanglan he ed-uwiten sikandin dutun te egalen din diyà te menge zatù. Ne ed-uwiten sikandin diyà te marku te ǥemawan ne ebusluwen is telinga zin. Ne egkehimu sikandin he uripen dutun te egalen din taman te kemetayen din.”

1 Samuel 3:15

Nekelipezeng si Samuel taman te egkepawà, ne mibpuwasan din is gemawan te valey te Nengazen. Egkahandek si Samuel he ebpenudtul ziyà te ki Eli mehitenged te impahayag te Nengazen diyà te kandin.

1 Samuel 3:3

Ne si Samuel ziyà edliplipezeng te valey te Nengazen he zutun sikan is Kavan te Kebpekid-uyun. Is sulù te Megbevayà, wazè pa zutun evuki ne

1 Samuel 4:13

Dutun te kebpekeuma zin diyà te Shilo, dutun si Eli is ebpimpinuu ziyà te bangkù he kilid te zalan su edtaǥad ke zuen ebpekepenudtul su igkeipeng din sikan is Kavan te Kebpekid-uyun te Megbevayà. Si Eli, ne 98 en is penuiǥen din, umbe kenè en utew ebpekaahà. Ne zutun, midtudtul zutun te etew ziyà te inged is neulaula te tebek. Nezineg haazà te menge meǥinged ne nemensineǥew zan. Nezineg haazà ni Eli ne mid-insà si Eli, “Hengkey is idsineǥew te menge etew?” Migaanggaan med-uvey haazà is etew ziyà te ki Eli.