1 Samuel 1:7 - Manobo Western Bukidnon OT

⁷ Iyan heini egkeulaula kada tuig. Kada edhendiyà si Hana te valey te Nengazen ne ed-un-undahan sikandin ni Penina umbe ebpekesineǥew zà sikandin ne kenà egkesuat he egkaan.

1 Samuel 1:7 ပူးပေါင်းရင်းမြစ်များ

Salmo 102:4

Henduen ad te sagbet he neǥangu su migkires ad. Ne naawè en is gana ku te kegkaan

Salmo 102:5

tenged te egkeǥezam ku ebpekezag-es a. Henduen be te tulan e zà wey lundis.

Jeremias 41:5

duen 80 he menge etew he edhendiyà te Mizpa he ebpuun diyà te Shekem, Shilo, wey Samaria. Migkiskisan dan is menge sumpè dan, mibindasbindas dan is menge visti zan, wey mibpemelian dan is menge lawa zan tenged te kedlelaw zan. Duen uwiten dan he menge pemuhat he para gasa wey veyewà he edtutungen dan diyà te valey te Nengazen.

1 Samuel 1:6

Ne tenged te kenà sikandin ed-anak, layun ebaal si Penina te igkererengiti wey ed-el-elezen din is duwey zin.

1 Samuel 1:8

Migkeǥiyan ni Elkana sikandin te, “Maan is edsineǥew ka? Maan is kenè ka egkaan? Maan is layun ke zà egkeseeng? Kenè be mibmahal e pa kenikew kenà te sepulù he menge vatà?”

1 Samuel 2:1

Ne zutun nengemuyù si Hana, “Utew ku igkelipey is Nengazen tenged te in-awè din is igkeeled ku. Ed-engitan ku ǥuntaan is menge kuntada ku; melipayen a utew te kedluwasa zin kedì.

1 Samuel 2:19

Kada tuig ne ebeelan ni Hana si Samuel te pendivavew he visti, ne ed-uwiten din heini ke ebpemuhat sikandin te Nengazen duma te esawa zin, he edhimuwen dan te kada tuig.