1 Samuel 1:6 - Manobo Western Bukidnon OT

⁶ Ne tenged te kenà sikandin ed-anak, layun ebaal si Penina te igkererengiti wey ed-el-elezen din is duwey zin.

1 Samuel 1:6 ပူးပေါင်းရင်းမြစ်များ

Genesis 30:1

Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”

2 Samuel 6:23

Ne wazè en med-anak si Mical taman te kebpatey zin.

Job 24:21

Su wazè dan purungi is menge vahi he kenà ebpekaanak. Wey wazè dan kegkehizu te valu he menge vahi.

Job 6:14

“Ne ǥeina te menge emiǥu ku sikiyu, ereg pezem he ebpekid-uunungen kew kedì kayi te kemeresayan ku, minsan pa ke iyan kedsavut niw is mid-iniyuǥan ku is Mekeǥeǥehem he Megbevayà.

Leviticus 18:18

Kenè nu esewaa is ipag nu zutun te uuyag pa is esawa nu.

Zatù 11:37

Piru zuen ku zà edhengyuen diyà te kenikew: tuǥuti a kenikew te kedriǥuriǥu ziyà te menge vuntud seled te zezuwa he vulan, te kedlalew zuma te menge emiǥu ku he menge vahi, su ebpatey a he kenè en egkeesawa.”

1 Samuel 1:7

Iyan heini egkeulaula kada tuig. Kada edhendiyà si Hana te valey te Nengazen ne ed-un-undahan sikandin ni Penina umbe ebpekesineǥew zà sikandin ne kenà egkesuat he egkaan.

1 Samuel 2:1

Ne zutun nengemuyù si Hana, “Utew ku igkelipey is Nengazen tenged te in-awè din is igkeeled ku. Ed-engitan ku ǥuntaan is menge kuntada ku; melipayen a utew te kedluwasa zin kedì.