1 Samuel 1:5 - Manobo Western Bukidnon OT

⁵ Ne is ki Hana tenged te utew zin mahal minsan te wazè din anak su midhimu sikandin te Nengazen he kenà ebpekaanak, ne edezuwaan din mulà is kandin he vahin.

1 Samuel 1:5 ပူးပေါင်းရင်းမြစ်များ

Genesis 11:30

Ne si Sarai, kenà ed-anak umbe wazè din menge anak.

Genesis 16:1

Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.

Genesis 30:1

Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”

Genesis 30:2

Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”

Genesis 43:34

Duen menge idsezà he ebpuun te lemisahan ni Jose he impehated din diyà te kandan ne is imbeǥey ki Benjamin, ne kelelima metakep te kezekelà te imbeǥey ziyà te menge kakey zin. Ne migkaan dan ne mid-inum dan duma ki Jose ne mibmeupiya is gehinawa zan.

Genesis 45:22

Mibeǥayan ni Jose te ed-ilisan is kada sevaha kandan; piru is imbeǥey zin ki Benjamin ne lelima he ed-ilisan wey 300 he elad he pelata.

Deuteronomio 21:15

“Penenglitan duen sevaha he etew he zezuwa is esawa zin ne mahal zin is sevaha ne is sevaha wazè din mahala, ne zuen din menge anak diyà te kandan te zezuwa. Penenglitan is kinekekayan he anak din he maama ne anak duen te wazè din mahala.