1 Samuel 1:3 - Manobo Western Bukidnon OT

³ Ne te kada tuig iyan betasan ni Elkana wey is pemilya zin is edhendiyè dan te inged he Shilo su ed-azap dan wey ebpemuhat dan diyà te Nengazen he Mekeǥeǥehem. Iyan dutun menge memumuhat te Nengazen is dezuwa he anak ni Eli he egngezanan ki Hofni wey ki Finehas.

1 Samuel 1:3 ပူးပေါင်းရင်းမြစ်များ

Salmo 78:60

Mid-ewaan din sikan is tulda zin diyà te Shilo he iyan ubpeey zin kayi te kelibutan.

Exodus 23:14

“Seled te senge-tuig ketetelu kew medsilibra te pista he para te kebeǥey kedì te zengeg.

Exodus 23:17

Ne medtampu is menge maama keniyu te kada kegkaamur niw seled kayi te tetelu he pista su kinahanglan he ed-ezapen e zan is Nengazen he Egalen niw.

Exodus 34:23

“Is langun he menge maama keniyu, kinahanglan he edtampu kayi te tetelu he pista kada tuig pinaaǥi te ked-azap kedì te Nengazen, he iyan Megbevayè niw te menge kevuwazan ni Israel.

Deuteronomio 16:16

“Kada tuig, kinahanglan he edtampu is langun he menge maama niw kayi te tetelu he pista: is Pista te Supas he Wazè din Tapey, is Pista te Kedraǥun, wey is Pista te Kebaal te menge Lawig. Is kada sevaha kandan ne medhendiyà te etuvangan te Nengazen he Megbevayè niw ziyà te lugar he ebpilien din, ne kinahanglan he med-uwit sikandan te ibpemuhat dan diyà te Nengazen sumalà te egkehimu zan, sumalà te tuvad he imbeǥey kandan te Nengazen he Megbevayè niw.

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

Zatù 18:31

Ne zutun te ziyè pa sikan is Tulda te Megbevayà te Shilo, iyan en midtulungan ezapa ziyà te Dan sikan is ed-ezapen ni Micas.

Zatù 21:19

Ne zutun netenuzan dan he hapit en egkeuma is tinuig he pista he para te Nengazen he ziyà ebeeli te Shilo. (Is Shilo egkezizaya te Betel ne egkezivavà te Lebona, wey zapit te edsilaan emun diyà ki te zalan he ebpuun te Betel pehendiyà te Shekem.)

1 Samuel 1:21

Neuma is penahun he si Elkana wey is tivuuk he pemilya zin ebpemuhat sikandan diyà te Nengazen iring te ebeelan dan kada tuig. Iyan heini kes andew te kebpemuhat din te kedtuman te penaad din te Nengazen.

1 Samuel 1:9

Sevaha he andew zutun, nekepasad dan he egkaan diyà te valey te Nengazen diyà te Shilo, midhitindeg si Hana ne nengemuyù ne ebpekesineǥew en, tenged te utew mesakit is gehinawa zin. Ebpimpinuu zutun si Eli is memumuhat te uvey te ǥemawan te valey te Nengazen.

1 Samuel 14:3

Sevaha zutun te sakup din si Ahia he memumuhat, he migkukumbalà te ipud. Si Ahia anak ni Ahitub, he suled ni Ikabud. Si Ahitub, anak ni Finehas. Si Finehas, anak ni Eli he memumuhat dengan te Nengazen diyà te Shilo. Wazà netau te kegenat ni Jonatan.

1 Samuel 2:19

Kada tuig ne ebeelan ni Hana si Samuel te pendivavew he visti, ne ed-uwiten din heini ke ebpemuhat sikandin te Nengazen duma te esawa zin, he edhimuwen dan te kada tuig.

1 Samuel 2:34

Ne para metuusi nu he egkeulaula heini is migkaǥi ku, ebpatey is dezuwa he anak nu he si Hofni wey si Finehas te senge andew zà.

1 Samuel 3:13

Su mibpetizeenan ku sikandin he edsilutan ku is pemilya zin taman te taman tenged te mibpesagdan din is menge anak din te kebaal te salà he utew mekeeled-eled minsan netuenan din haazà.

1 Samuel 4:11

Kenà iyan dà haazà, kekenà, naaǥew pa te menge Filistihanen kes Kavan te Kebpekid-uyun, wey nepatey kes dezuwa he anak ni Eli he si Hofni wey si Finehas.

1 Samuel 4:4

Umbe, midsuǥù sikandan te menge etew he ibpekuwa ziyà te Shilo kes Kavan te Kebpekid-uyun te Nengazen he Mekeǥeǥehem. Is tangeb din ne zuen dezuwa he ledawan te kirubin, ne zutun is Nengazen ed-ubpà te pid-elangan. Elin daan dutun miduma kes dezuwa he anak ni Eli he si Hofni wey si Finehas.