1 Samuel 1:23 - Manobo Western Bukidnon OT

²³ Midtavak si Elkana te, “Beeli nu en ke hengkey is meupiya he egkesuatan nu. Kayi ke zà taman te egkelutas sikandin. Deyzey ke igkelipey te Nengazen is insaad nu kandin.” Ne mibpelintetaǥak si Hana is ed-etiman te anak din.

1 Samuel 1:23 ပူးပေါင်းရင်းမြစ်များ

2 Samuel 7:25

“Ne ǥuntaan, Nengazen he Megbevayà, tumana nu is menge saad nu kedì te suluǥuen nu wey te pemilya ku, para iyan ka mevantug te wazà pidtemanan. Ne egkaǥi is menge etew te, ‘Is Nengazen he Mekeǥeǥehem iyan Megbevayà te Israel!’ Ne is kedhadì te pemilya ku ebpedayun taman te taman.

1 Hadì 3:21

Ne hein meselem, mid-enew a su ibpesusu ku is anak ku, ne neehè ku he minatey en heini. Ne hein midsusi ku is batà diyà te merayag, nesusi ku he kenè bes iyan sikan is anak ku.”

Salmo 22:9

Piru iyan ka mibpeǥawas kedì puun te ǥetek te iney ku, ne puun pa te edsusu e pa, ne inlikey a kenikew te ebpekezezaat kedì.

Isaias 44:26

Edtumanen ku is menge tagnà te suluǥuen ku wey menunudtulà. Migkaǥi a he egkeumanan egkeubpai is Jerusalem, ne ed-umanan ebenguna is menge inged diyà te Juda he nengevengkag.

Numero 30:12

Iyan, emun ebelavag is esawa zin dutun te kegketueni zin kayi, kenè en kinahanglan he edtumanen din heini. Ebpeseyluwen sikandin te Nengazen su mibelavag man kandin is esawa zin.

1 Samuel 1:17

Migkaǥi si Eli te, “Hipanew kad ne kenè ke en maan meseeng. Berakat he is Megbevayà te Israel ne ibeǥey zin kenikew is ebuyuen nu kandin.”

1 Samuel 14:36

Migkaǥi si Saul te, “Edsurungen tew ǥuntaan te mezukilem is menge Filistihanen. Ebpenhimetayan tew sikandan langun wey ebpenguwaan tew is menge azen dan taman te egkepawà.” Midtavak is menge etew te, “Beeli nu ke hengkey is meupiya.” Piru migkaǥi is memumuhat te, “Ed-insaan te pa is Megbevayà mehitenged keniyan.”

1 Samuel 14:40

Migkeǥiyan ni Saul is langun he Israilihanen te, “Hitindeg kew keniyan, wey is anak ku he si Jonatan ne kayi edhitindeg.” Ne mibpemineg is menge etew.