1 Samuel 1:22 - Manobo Western Bukidnon OT

²² Piru si Hana wazà meduma. Migkeǥiyan din is esawa zin te, “Emun egkelutas en heini is batà, ne ed-uwiten ku sikandin diyà te valey te Nengazen ne idhalad ku ziyà te kandin, ne ziyè en sikandin ed-ubpà te tivuuk he untung din.”

1 Samuel 1:22 ပူးပေါင်းရင်းမြစ်များ

Salmo 110:4

Nenangdù is Nengazen, ne kenà egkahalin is isip din, he memumuhat ka te wazà pidtemanan, iring te kegkememumuhat ni Melkizedek.

Salmo 23:6

Nesiguru ku he ke sengemenu keluǥayad is untung ku ne iyan daan keluǥayad te kebpurungi nu wey kebmahala nu kedì. Ne ziyà a ed-ubpa te valey nu, Nengazen, te wazà pidtemanan.

Salmo 27:4

Duen sevaha he mibuyù ku ziyà te Nengazen he utew ku en egkesuati he iyan is: kebpekeubpè ku ziyà te valey zin seled te tivuuk he untung ku, ne zutun egkepurung ku egkengunùngunù is keupiya zin, ne ebpekahangyù a ziyà te kandin he giyahi e zin.

Exodus 21:6

Emun iyan haazà, kinahanglan he ed-uwiten sikandin dutun te egalen din diyà te menge zatù. Ne ed-uwiten sikandin diyà te marku te ǥemawan ne ebusluwen is telinga zin. Ne egkehimu sikandin he uripen dutun te egalen din taman te kemetayen din.”

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Leviticus 25:23

Kenè kew pekid-uyun he kenè niw en ibpahawì te minsan keenu is tanà he imbelegyà diyà te keniyu su heini he tanà kediey; ebpeubpaan ku zà wey ebpeseupan ku zà heini keniyu.

Deuteronomio 16:16

“Kada tuig, kinahanglan he edtampu is langun he menge maama niw kayi te tetelu he pista: is Pista te Supas he Wazè din Tapey, is Pista te Kedraǥun, wey is Pista te Kebaal te menge Lawig. Is kada sevaha kandan ne medhendiyà te etuvangan te Nengazen he Megbevayè niw ziyà te lugar he ebpilien din, ne kinahanglan he med-uwit sikandan te ibpemuhat dan diyà te Nengazen sumalà te egkehimu zan, sumalà te tuvad he imbeǥey kandan te Nengazen he Megbevayè niw.

Josue 4:7

keǥiyi niw sikandan he mid-engked he edtudà is Wahig he Jordan hein inlayun sikan is Kavan te Kebpekid-uyun te Nengazen. Heini he menge vatu kenà egkaawà he tedeman te menge etew te Israel taman te taman.”

1 Samuel 1:11

Ne zutun midsaazan ni Hana is Nengazen he egkaǥi, “Nengazen he Mekeǥeǥehem, ahaa nu is ked-antus ku. Tentenuzi a is uripen nu ne kenà a kenikew lipati. Emun ebeǥayan a kenikew te anak he maama, ne ibeǥey ku sikandin kenikew para ebpenilbi kenikew te tivuuk he untung din. Ne iyan tuus te kebpenilbi zin is kenè ku edtempezan is bulvul zin.”

1 Samuel 1:28

Umbe, guntaan idhalad ku sikandin diyà te Nengazen, wey mekepenilbi sikandin te Nengazen seled te tivuuk he untung din.” Ne zutun midsimba zan is Nengazen.

1 Samuel 13:13

Migkaǥi si Samuel te, “Kelelelungan is mibeelan nu. Wazè nu tumana is insuǥù kenikew te Nengazen he iyan Megbevayè nu he intelaan din kenikew. Emun midtuman nu pezem, ne is menge kevuwazan nu ne iyan ebpedayun he edhadì te Israel.

1 Samuel 2:11

Ne mid-ulì si Elkana wey si Hana ziyà te Rama. Piru intaǥak dan dà si Samuel wey mekepenilbi en te Nengazen he iyan egalen din wey ed-elima kandin si Eli he memumuhat.

1 Samuel 2:18

Dutun he timpu, is batà he si Samuel pedayun he mibpenilbi te Nengazen. Midsul-ub sikandin te ipud he linu.

1 Samuel 28:2

Midtavak si David te, “Uya, para meehè nu ke hengkey is egkehimu ku, te suluǥuen nu.” Midtavak si Akish te, “Meupiya iyan! Su edhimuwen ku sikew he ebantey kedì taman te taman.”

1 Samuel 3:1

Dutun he menge andew he si Samuel ebpenilbi en te Nengazen, dizalem sikandin te kedumala ni Eli, ne mezelag dà ebpekidlalag is Nengazen, wey deisey zà is egkengelewasan.