1 Samuel 1:20 - Manobo Western Bukidnon OT

²⁰ Ne zutun mibmeǥingey sikandin, ne neuma is penahun ne mid-anak sikandin te maama. Migngezanan te Samuel, su ke sikandin te, “Geina te mibuyù ku sikandin diyà te Nengazen.”

1 Samuel 1:20 ပူးပေါင်းရင်းမြစ်များ

Genesis 16:11

Ne impelaus din is egkeǥiyen din kandin te, “Meǥingey ka, ne maama is id-anak nu. Ishmael is igngazan nu kandin, su nezineg te Nengazen is menge pengemuyù nu kandin tenged te merasey is egkeulaula nu.

Genesis 30:22

Si Raquel ne wazà daan melipati te Megbevayà. Midtavak din daan is pengemuyù din he mekaanak daan sikandin.

Genesis 4:25

Ne mid-umanan ni Adan uvayi is esawa zin he si Eva, ne mid-anak te maama, ne migngezanan din ki Set, he ke và dà egkeǥiya, imbeǥey, su ke sikandin te, “Mibeǥayan a te Megbevayà te anak he ilis ki Abel.” Umbe iyan heini mid-ulaula te Megbevayà su mibunù ni Cain si Abel.

Genesis 5:29

Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

Salmo 120:1

Dutun te kedlised ku, mid-umew ku is Nengazen ne midtavak e zin.

Exodus 2:10

Ne hein nelutas en haazà is batà, ne inhated din en diyà te anak te hadì te Ehipto ne haazà mid-isip he anak duen te anak te hadì. Migngezanan din te Moises su geina te ziyè din mekuwa te wahig.

Exodus 2:22

Ne mid-anak si Zipora te maama, ne haazà migngezanan ni Moises te Gershom, su ke sikandin te, “Lumelengyawà a kayi he inged.”