1 Samuel 1:15 - Manobo Western Bukidnon OT

¹⁵ Migkaǥi si Hana te, “Kenà a egkelangut, datù, wey wazà a keenu mekeinum te ebpekelangut he inumen. Egkeǥiyen ku zà diyà te Nengazen is utew mereǥen he egkeǥezam ku.

1 Samuel 1:15 ပူးပေါင်းရင်းမြစ်များ

Job 30:16

Ne ǥuntaan henduen be te ebpatey ad; kenà egkeengked is kegkerasey ku.

Salmo 143:6

umbe imbayew ku is menge velad ku zuma te ked-ampù he edhenduen te: Nenginahanglan a kenikew Nengazen! Ne iring e en te utew memaza he tanà he egkinahanglan te wahig.

Salmo 42:4

Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. Ne edsilibra key zuma is ked-ugyab te kegkelipey wey kebpeselamat kenikew.

Salmo 62:8

Sikiyu is menge etew te Megbevayà, sarig kew kandin te langun he timpu! Keǥiya niw ziyà te kandin is langun he igkeǥiyaǥiya niw su iyan sikandin kelasag tew.

Salmo 62:9

Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.

Erubasa 14:10

Iyan ke zà nesayud te utew nu kegkelipey etawa kegkeseeng.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 25:15

Is kebmepelevayen wey menayù he kegkaǥikaǥi ne ebpekeuwit te menge pengulu minsan te menge mezesen is gehinawa.

Penhulùhulù 2:19

Enew kew ke mezukilem ne buyù kew te tavang diyà te Nengazen. Ivuswang niw ziyà te kandin is langun he ziyà te gehinawa niw he iring te ebusbus kew te wahig. Ivayew niw is menge velad niw te kedhangyù para te untung te menge anak niw he egkengevidtawan diyà te menge zalan tenged te kegkevitil.

1 Samuel 1:16

Kenè nu isipa he mezaat a he vahi. Nengemuyù e zà tenged te utew ku kegkeseeng.”

1 Samuel 7:6

Dutun te netiǥum en sikandan langun diyà te Mizpa, migkuwa zan te wahig ne in-itis dan diyà te etuvangan te Nengazen. Te haazà he andew mibpuasa zan ne mibuyù sikandan te pesaylu te menge salè he nehimu zan diyà te Nengazen. Si Samuel is nengulu te menge Israilihanen diyà te Mizpa.