1 Samuel 1:11 - Manobo Western Bukidnon OT

¹¹ Ne zutun midsaazan ni Hana is Nengazen he egkaǥi, “Nengazen he Mekeǥeǥehem, ahaa nu is ked-antus ku. Tentenuzi a is uripen nu ne kenà a kenikew lipati. Emun ebeǥayan a kenikew te anak he maama, ne ibeǥey ku sikandin kenikew para ebpenilbi kenikew te tivuuk he untung din. Ne iyan tuus te kebpenilbi zin is kenè ku edtempezan is bulvul zin.”

1 Samuel 1:11 ပူးပေါင်းရင်းမြစ်များ

Genesis 28:20

Ne mibpenangdù dutun si Jacob he egkaǥi te, “He Megbevayà, emun edumahan a wey ebentayan a kenikew kayi te hipenawan ku wey emun ebeǥayan a kenikew te egkeenen wey igkevisti,

Genesis 29:32

Mibmeǥingey si Lea ne mid-anak te maama ne migngezanan din ki Reuben, su ke sikandin te, “Naahà te Nengazen is merasey he egkeulaula ku, guntaan siguradu he ebmahalen ad human te esawa ku.”

Genesis 30:22

Si Raquel ne wazà daan melipati te Megbevayà. Midtavak din daan is pengemuyù din he mekaanak daan sikandin.

Genesis 8:1

Wazà melipati te Megbevayà si Noe wey is duma zin he menge langgam he zutun te seled te arka. Umbe impepengeramag din kayi te kelibutan ne midnaneynaney mebmevavew is wahig.

2 Samuel 16:12

Kela ke meehè ded te Nengazen is kelised ku ǥuntaan ne ebelesan e zin te meupiya he ibales din te menge rawak kedì guntaan.”

Salmo 25:18

Is-isipa a kenikew kayi te menge elentusen ku, ne peseyluwa a te langun he menge salè ku.

Exodus 4:31

ne midtuu sikandan. Ne hein netuenan dan he igkeseeng sikandan te Nengazen wey naahà te Nengazen is kemeresayan dan, midluhud sikandan te ked-azap kandin.

Erubasa 31:2

Mama, neetew ka he iyan tavak te menge kebpengemuyù ku. Migkeǥiyan ku sikew he kenè nu

Megwewali 5:4

Emun duen ibpenaad nu ziyà te Megbevayà, ne kenè nu pekeuǥeta is kedtumana nu zutun. Tumana nu is penaad nu kandin su kenè din igkesuat is menge tulebung he wazà medtuman te menge penaad dan.

Leviticus 27:2

he keǥiya zin heini ziyà te menge Israilihanen: Emun is sevaha he etew inhalad diyà te Nengazen su ingkepenaad he idhalad, heeyan he penaad

Numero 21:2

Ne nenangdù is menge Israilihanen diyà te Nengazen he ke sikandan te, “Emun ebpeveyveyaan nu kenami heini he menge etew, ibeǥey zey zaan diyà te kenikew is tivuuk he inged dan pinaaǥi te kedezeeti zey kayi.”

Numero 6:11

Is sevaha, ibpemuhat te memumuhat he pemuhat he para idlumpiyu ne is sevaha pa, pemuhat he edtutungen. Ne pinaaǥi kayi egkevelukasan sikandin tenged te salè din te kebpekeǥawed te minatey. Dutun mismu he andew, iuman din ipehinungud is keugelingen din ne ipeuman din ipemelayat is bulvul zin.

Numero 6:5

“Kenè din daan petempezi is bulvul zin dutun te wazè din pa mepasad is penaad din te kebpenilbi te Nengazen. Kinahanglan he idsivey sikandin he para te Nengazen taman te egkepasad is timpu te penaad din, ne vey-ani zin en ke ebmelayat is bulvul zin.

Numero 6:8

Umbe, zutun te tivuuk he timpu te kebpehinunguza zin te untung din, insivey sikandin he para te Nengazen.

Zatù 11:30

Ne mibpenengduan ni Jefta is Nengazen. Ke sikandin te, “Emun idtuǥut nu he mezaag ku is menge Amunihanen,

Zatù 13:5

Emun id-anak en is anak nu, kenè nu tempezi is bulvul zin su puun te ked-enaka kandin ibpeveyveyaan en sikandin te Megbevayà he sevaha he Nazareo. Ne edlibriyen din is Israel puun te ǥehem te menge Filistihanen.”

1 Samuel 1:12

Ne te kemulu sikandin ebpengemuyù diyà te Nengazen, naahà ni Eli is bèbè din he ebekèbekè dà ne wazà egkezineg he laǥeng. Neisip din is nehubug sikandin.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 1:22

Piru si Hana wazà meduma. Migkeǥiyan din is esawa zin te, “Emun egkelutas en heini is batà, ne ed-uwiten ku sikandin diyà te valey te Nengazen ne idhalad ku ziyà te kandin, ne ziyè en sikandin ed-ubpà te tivuuk he untung din.”

1 Samuel 1:27

Mibuyù ku heini he vatà diyà te Nengazen ne imbeǥey zin kedì is mibuyù ku.

1 Samuel 1:28

Umbe, guntaan idhalad ku sikandin diyà te Nengazen, wey mekepenilbi sikandin te Nengazen seled te tivuuk he untung din.” Ne zutun midsimba zan is Nengazen.

1 Samuel 2:20

Ne ebpenubtuvazan ni Eli si Elkana wey esawa zin he si Hana he egkaǥi te, “Berakat he pinaaǥi kayi te esawa nu, ebegayan kew te menge vatà he iyan idliwà dutun te mibuyù din hein inlikù niw iveǥey ziyà te Nengazen.” Ne zutun mid-ulì dan.