1 Samuel 1:1 - Manobo Western Bukidnon OT

¹ Duen sevaha he etew he kevuwazan ni Zuf he egngezanan ki Elkana. Heini sikandin ne ziyà med-ubpà te Rama diyà te vuvungan te Efraim. Anak sikandin ni Jeroham he anak ni Elihu. Ne si Elihu anak sikandin ni Tuhu he anak ni Zuf, he ebpuun te tribu ni Efraim.

1 Samuel 1:1 ပူးပေါင်းရင်းမြစ်များ

1 Hadì 11:26

Is sevaha pa he nekigkuntada ki Solomon iyan si Jeroboam he sevaha te menge upisyal zin. Ebpuun sikandin diyà te inged he Zereda ziyà te Efraim. Is amey zin he si Nebat minatey en, piru is iney zin he si Zerua uuyag pa.

1 Cronica 6:12

ne si Ahitub amey ni Zadok. Si Zadok ne amey ni Shalum,

1 Cronica 6:22

Is menge kevuwazan ni Kohat: si Aminadab, Kora, Asir,

1 Cronica 6:33

Iyan heini sikandan ebpenilbi zuma is menge anak dan: Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.

1 Cronica 6:34

Si Elkana ne anak ni Jehoram. Si Jehoram ne anak ni Eliel. Si Eliel ne anak ni Toa.

Josue 24:33

Minatey zaan si Eleazar is anak ni Aaron ne inleveng diyà te Gibea, kes inged diyà te vuvungan te Efraim he imbeǥey ziyà te anak din he si Finehas.

Zatù 12:5

Mibentayan te menge tig-Gilead is menge leyunà diyà te Wahig he Jordan pehendiyà te Efraim. Emun duen ebpekepelaǥuy he tig-Efraim he edlayun, ed-insaan dan ke tig-Efraim be sikandin etawa kenà. Ne emun edtavak te “Kenà,”

Zatù 17:1

Duen sevaha he etew he meǥinged diyà te vuvungan te Efraim he iyan ngazan din si Micas.

Zatù 19:1

Dutun he timpu te wazè pa hadì te Israel, duen sevaha he Levihanen he meǥinged diyà te meziyù he vahin diyà te vuvungan te Efraim. Heini he Levihanen migkuwa sikandin te vahi he mid-esawa zin puun te Betlehem he sakup te Juda.

Zatù 4:5

Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

Ruth 1:2

Iyan ngazan dutun te maama, si Elimelek. Is esawa zin ne si Naomi, ne is menge anak din, ne si Mahlon wey si Kilion. Menge kevuwazan sikandan ni Efrata he tig-Betlehem he inged te Juda.

Ruth 4:22

si Obed, ne amey ni Jesse, ne si Jesse, ne amey ni David.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 17:12

Duen anak ni Jesse he si David. Si Jesse ne sevaha he Efratahanen he ziyà ed-ubpà te Betlehem he sakup te Juda. Meǥurang en sikandin dutun te timpu te iyan pa hadì si Saul te Israel. Walu is anak din he pudu maama.

1 Samuel 2:11

Ne mid-ulì si Elkana wey si Hana ziyà te Rama. Piru intaǥak dan dà si Samuel wey mekepenilbi en te Nengazen he iyan egalen din wey ed-elima kandin si Eli he memumuhat.

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.

1 Samuel 9:4

Umbe, migenat si Saul wey kes suluǥuen is ebpen-ahà. Midhendiyè dan te vuvungan te Efraim wey ziyà te lugar he Shalisha, ne wazè dan en maahà kes menge asnu. Ne midhendiyè dan en maan te lugar he Shaalim wey te lugar te menge kevuwazan ni Benjamin, ne wazè dan en meturedu.

1 Samuel 9:5

Ne hein nekeuma zan diyà te lugar he Zuf, migkeǥiyan ni Saul is suluǥuen din te, “Ed-ulì ki en nasì su kela ke iyan ki ikeipeng ni amà kenà kes menge asnu.”