1 Hadì 5:3 - Manobo Western Bukidnon OT

³ “Netuenan nu he wazà mekepevangun is amey ku he si David te valey he para te Nengazen he Megbevayè din, su layun dà sikandin ebpekidtebek te menge kuntada zin diyà te menge nasyun te peliǥuy. Kenè din heini egkevangun taman te igkepezaag te Nengazen kandin is langun he kuntada zin.

1 Hadì 5:3 ပူးပေါင်းရင်းမြစ်များ

1 Hadì 8:19

Piru kenè ka iyan ebpekevangun kayi, kekenà, iyan is anak nu. Iyan sikandin ebangun te valey he para te zengeg ku.’

1 Cronica 22:8

Piru iyan heini migkaǥi zin kedì: ‘Utew mezakel he menge etew is nengepatey nu te memeinit he neseǥazan nu he kebpekidtebek. Umbe kenè ka iyan edtukud te valey para te kegkeveyawa te ngazan ku.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

1 Cronica 28:3

Piru migkeǥiyan a te Megbevayà te, ‘Kenè ka iyan ebpeketukud te valey te Nengazen para te zengeg ku tenged te sevaha ka he sundaru wey mezakel is mibpenhimetayan nu.’

2 Cronica 9:4

henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din wey is menge tigsilbi te vinu zin he mekempet is menge yunipurmi zan, wey is menge pemuhat he edtutungen he impemuhat din diyà te valey te Nengazen.

Nehemias 5:17

Layun ku ganì ibpekaan is 150 he menge Judio he menge upisyal wey elin is menge meǥeliyug ku he ebpemuun diyà te nekeliǥuy he menge nasyun.

Nehemias 5:18

Kada andew ebpelapà a te sevaha he vaka, heenem he melambù he menge kerehidu, wey ebpeiyew a te mahabet he manuk. Ne kada sepulù he andew ebpeǥawas a te zekelà he vinu he nekedseselekawà he klasi. Minsan pa te iyan heini gelestuwan ku, wazà a mebpelibri te keenen he para te gubirnedur, su netuenan ku he egkeveǥatan is menge etew.

Salmo 110:1

Migkaǥi is Nengazen diyà te Nengazen ku he hadì te, “Pinuu ka kayi te egkekewanan ku, taman te igkepezizalem ku ziyà te menge paa nu is menge kuntada nu.”

Salmo 8:6

Midhimu nu sikandin he iyan edumala te menge linimbag nu; ne mibpeveyveyaan nu kandin is langun,

Malakias 4:3

Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is Nengazen he Mekeǥeǥehem.

Deuteronomio 14:5

selazeng, leew he kambing, leew he kerehidu, wey zuma he kelasi te selazeng.

Josue 10:24

Ne hein neuwit en diyà te ki Josue haazà is lelima he hadì, midtiǥum din is langun he menge Israilihanen, ne migkeǥiyan din is menge peremandar te menge sundaru zin, ke sikandin te, “Hendini kew, ne ǥieki niw is menge lieg kayi te menge hadì.” Umbe mid-uvey sikandan ne migiekan dan is menge lieg duen te menge hadì.