1 Hadì 18:3 - Manobo Western Bukidnon OT

³ Umbe, impetawag ni Ahab si Obadias he iyan edumala te turuǥan din. (Ne si Obadias, dekelà is kedtahud din te Nengazen.

1 Hadì 18:3 ပူးပေါင်းရင်းမြစ်များ

Nehemias 7:2

Imbeǥey ku is ketengdanan te kedumala te Jerusalem diyà te suled ku he si Hanani, ne iyan duma zin si Hanania he peremandar te menge vantey te melig-en he kutà. Mibpilì ku si Hanania su egkeseriǥan sikandin wey zekelà is kedtahud din te Megbevayà lavew te kezekelan.

1 Hadì 16:9

Dutun he timpu, si Zimri he sevaha te menge upisyal zin wey peremandar te ketengà te menge perekerwahi, duen din pelanu he mezaat diyà te ki Ela. Ne sevaha he andew, nelangut si Ela ziyà te Tirza, ziyà sikandin te valey ni Arza he iyan edumala te turuǥan diyà te Tirza.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.

Erubasa 14:26

Is kedtehuza te Nengazen, ne iyan ebpekeveǥey te kelig-en wey kenà kegkekeizi te etew wey te menge anak din.

Nehemias 5:15

Piru is menge gubirnedur he nehuna kediey nehimu he peveǥat te menge etew, su kada andew ebuyù dan te egkekaan dan wey egkeinum dan he vinu wey 40 he vuuk he pelata. Minsan is menge upisyal zan mibpehimulus diyà te menge etew. Piru wazè ku mulà haazà beeli, su zuen ku kedtahud te Megbevayà.

2 Hadì 4:1

Duen balu he vahi he is esawa zin he minatey sevaha he sakup te grupu te menge ebpeneuven. Ne sevaha he andew, mibuyù sikandin te tavang diyà te ki Elisha. Ke sikandin te, “Minatey en is esawa ku he suluǥuen nu ne netuenan nu he edtahud sikandin te Nengazen. Ne ǥuntaan nekeuma is etew he neutangan din ne egkuwaan din is tanè dey wey is dezuwa he anak dey he menge maama ne ed-uripenen din su iyan kun sikandan bayad te utang te esawa ku.”

1 Hadì 18:12

Hengkey ke ebpekeiniyug a ǥuntaan ne ed-uwiten ka te Mulin-ulin te Nengazen diyà te lugar he wazè ku metueni? Ne emun ebpekeuma kayi si Ahab he wazè ke en, ne edhimetayan e zin. Piru, datù, nenilbi a te Nengazen puun te menguhed e pa.

Genesis 42:18

Ne zutun te iketelu he andew migkeǥiyan sikandan ni Jose te, “Duen ebpeveelan ku keniyu wey kew melibri su siak, edtahud a te Megbevayà.

Genesis 41:40

Edhimuwen ku sikew he iyan ebayàbayà te turuǥan ku ne kinahanglan he ebpevayàbayà kenikew is minsan hentei he sakup ku. Iyan e zà lavew kenikew su iyan a hadì.”

Genesis 39:9

Henduen be te nekedrepeng key kayi te valey, su insarig din is langun kediey kayi ǥawas kenikew su esawa ke zin man. Kenà egkehimu he edlimbungan ku is egalen ku wey ebaal a te salà diyà te Megbevayà.”

Genesis 24:10

Ne hein nepasad dutun, migkuwa is suluǥuen te sepulù he menge ayam he kemilyu ne migkergahan din te langun he kelasi te menge mahalen he igasa he ebpuun te egalen din he si Abraham. Migenat sikandin pehendiyà te inged he Aram Naharaim, he iyan inged he mid-ubpaan ni Nahor he hazi ni Abraham.

Genesis 24:2

Sevaha zutun he andew, migkeǥiyan ni Abraham is egalen te menge suluǥuen din he iyan sineriǥan te langun he menge azen din te, “Isavuk nu is belad nu kayi te laang ku. Tuus heini te penaad nu he edtistiǥusan te Nengazen, he iyan dà Megbevayà te langit wey tanà, ne kenè ka mebpilì te ed-esawaan te anak ku he si Isaac te vahi he tig-Canaan he emurè tew kayi te mid-ubpaan tew ǥuntaan.

Genesis 22:12

Ne migkaǥi is belinsuǥuen te, “Isavuk nu zà heeyan is ubpit! Kenè nu pelii is batà te minsan deisek dà! Netuenan ku en he iyan a is Megbevayà, utew lavew he ebmahalen nu su minsan is anak nu he utew nu minahal, wazè nu isipa he kenè nu ibeǥey kediey.”

1 Hadì 18:2

Umbe, midhendiyà si Elias te ki Ahab. Dutun utew en mepait is bitil ziyà te Samaria.

Job 28:28

Ne migkaǥi sikandin diyà te menge etew te, ‘Egkehimu he zuen niw ketau wey kedsavut emun edtehuzen niw is Nengazen wey edlikey kew te mezaat he ulaula.’ ”

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.