1 Cronica 4:9 - Manobo Western Bukidnon OT

⁹ Duen sevaha he etew he iyan ngazan din si Jabez. Nevantug sikandin kenà is menge suled din he menge maama. Migngezanan sikandin te iney zin te Jabez su egkaǥi is iney zin te, “Utew a midreǥeni te ked-enaka ku kandin.”

1 Cronica 4:9 ပူးပေါင်းရင်းမြစ်များ

Genesis 3:16

Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”

Genesis 34:19

Umbe tenged te utew nesuati ni Shekem si Dina, wazè en sikandin medlanganlangan ne midtuman din is migkaǥi kandin te menge anak ni Jacob. Si Shekem utew midtahud kandin is pemilya te amey zin.

Genesis 35:18

Ne hein edluwèluwe en te ǥehinawa si Raquel, migngezanan din is anak din ki Ben Oni. Piru migngezanan mulà ni Jacob haazà is batà ki Benjamin.

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

1 Cronica 4:8

wey Koz. Heini si Koz ne iyan amey ni Ahub wey Hazobeba, ne kepuun sikandin te pemilya ni Aharhel he anak ni Harum.

1 Cronica 7:23

Ne liwas dutun, mid-uvayan ni Efraim is esawa zin ne mibmeǥingey ne mid-anak te maama. Ne migngezanan ni Efraim haazà is batà te Beria, tenged te utew mesakit he neulaula zutun te kandan he pemilya.

Erubasa 23:25

lavi en is iney nu.

Isaias 43:4

Ibeǥey ku is duma he menge etew ilis kenikew, tenged te mevali wey dungganen is ked-isipa ku kenikew, wey tenged te minahal ku sikew.

1 Samuel 4:21

Hein wazè pa sikandin mebpatey iyan inngazan din dutun te vatà is Ikabud, he ke và dà egkeǥiya, “Naawè en diyà te Israel is mekeǥeǥehem he kebpekiduma te Megbevayà te Israel.” Su ǥeina kun te naaǥew kes Kavan te Kebpekid-uyun te Megbevayà wey minatey is esawa zin wey enuǥang din he maama.