1 Cronica 28:7 - Manobo Western Bukidnon OT

⁷ Ne emun ebpedayun sikandin he edsunud te menge suǥù ku iring te ebeelan din guntaan, ne ibpahadì ku is menge kevuwazan din te wazà pidtemanan.’

1 Cronica 28:7 ပူးပေါင်းရင်းမြစ်များ

1 Hadì 11:4

Hein meǥurang en sikandin neuwit sikandin te menge esawa zin te ked-azap te zuma he menge ed-ezapen. Kenè en meupiya is kedepitè dan te Nengazen he Megbevayè din; kenà sikandin iring te amey zin he si David.

1 Hadì 3:14

Ne emun edsunuzen nu is menge paaǥi ku wey edtumanen nu is ibpetuman ku he menge sulunuzen wey menge suǥù iring te mid-ulaula te amey nu he si David, ebeǥayan ku sikew te meluǥayad he untung.”

1 Hadì 8:61

Wey verakat he mebmepezumdumahan kew is menge Israilihanen te Nengazen he Megbevayè tew. Tumana niw is imbeǥey zin he menge sulunuzen wey menge suǥù iring te ulaula niw en guntaan.”

1 Cronica 22:13

Ne emun egkepurung nu egketuman is menge suǥù wey menge sulunuzen he imbeǥey zin te Israel pinaaǥi ki Moises, ne ebmelempusen ka. Umbe mebpekelig-en ka wey mebpekevurut ka. Kenè ka mahandek wey mebpenluyaluya.

1 Cronica 28:10

Umbe, is-isipa nu heini purungi. Mibpilì ka te Nengazen he ibpetukud duen te valey te Nengazen. Pekelig-en ka, wey terebehuwa nu heini he vuluhaten.”

1 Cronica 28:8

“Umbe ǥuntaan, ebmenduan ku sikiyu kayi te etuvangan te langun he menge Israilihanen, he menge etew te Nengazen, wey ziyà te etuvangan te Megbevayè tew, he tumana niw purungi is langun he menge suǥù te Nengazen he Megbevayè niw. Emun ebeelan niw heini, ne pedayun he egkaangken niw heini is meupiya he tanà, he igkepepengevilin niw te menge kevuwazan niw te wazà pidtemanan.

Salmo 132:12

Is menge kevuwazan nu he menge hadì, emun edtumanen dan is kebpekid-uyun ku keniyu wey is menge penurù he impenurù ku kandan, edhadì daan sikandan te taman te taman.”

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.