1 Cronica 22:9 - Manobo Western Bukidnon OT

⁹ Piru ebeǥayan ku sikew te anak he maama he edhadì he melinawen su kenà sikandin edsemuken te langun he menge kuntada zin he nekelingut kandin. Iyan ngazan din si Solomon, su ebeǥayan ku te kelinew is Israel dutun te kedhadì din.

1 Cronica 22:9 ပူးပေါင်းရင်းမြစ်များ

1 Hadì 1:13

Hendiyè ka te ki Hadì David ne keǥiyi nu sikandin te, ‘Mahal he Hadì, kenè be midsaad ka kayi te kedì he iyan nu ibpeilis kenikew te kedhadì is anak ta he si Solomon, ne maan is iyan nehimu he hadì si Adonia?’

1 Hadì 2:15

Midtavak si Adonia te, “Netuenan nu he iyan e en pezem egkehimu he hadì, ne mibperateng heeyan kayi te tivuuk he Israel. Piru selakew is nehitavù su iyan is suled ku nehimu he hadì, su iyan heeyan egkesuatan te Nengazen.

1 Hadì 3:7

Nengazen he Megbevayè ku, iyan a is suluǥuen nu in-ilis nu te amey ku he si David te kedhadì, minsan menguhed e pa he kenà metau he ebpengulu.

1 Hadì 4:20

Is kezakel te menge etew ziyà te Juda wey Israel henduen be te pantad diyà te veyvey te zaǥat he kenà egkevilang. Dekelà is egkekaan dan wey egkeinum dan, ne melipayen sikandan.

1 Hadì 4:24

Nesakup te ginhedian ni Solomon is tivuuk he tanà diyà dapit te edsenlepan te Wahig he Eufrates, puun te Tifsa taman te Gaza. Ne meupiya is kedepitè din diyà te langun he menge nasyun he nekeelingkus kandin.

1 Hadì 4:25

Umbe, zutun te uuyag pa si Solomon, duen kelinew ziyà te Juda wey Israel puun te Dan taman te Beersheba. Is kada etew, edsihung diyà te pinemula zin he paras wey kayu he higus he zuen din kelinew.

1 Hadì 5:4

Piru ǥuntaan mibeǥayan a te Nengazen he Megbevayè ku te kelinew diyà te peliǥuy, su wazè ku en menge kuntada wey wazè en daan bangkit.

1 Hadì 8:56

“Ereg he edeliǥen is Nengazen su impehimeley zin is menge etew zin he menge Israilihanen sumalà is impenaad din. Midtuman din is langun he insaad din diyà te suluǥuen din he si Moises.

1 Cronica 17:11

Emun ebpatey kad ne idleveng ka zuma te menge kepuun nu, ibpuli ku kenikew is sevaha te menge anak nu, ne edlig-enan ku is ginhedian din.

1 Cronica 22:18

Migkaǥi sikandin diyà te kandan te, “Iyan duma niw is Nengazen he Megbevayè niw wey mibeǥayan kew zin te kelinew su wazè kew mekepekidtebek te nekeliǥuy keniyu he menge etew. Su imbeǥey zin kedì is langun he ed-ubpà kayi he tanà, ne ǥuntaan ne iyan en teǥiǥaked kayi is Nengazen, ne nesakup tew en heini te keet-etawan din.

2 Cronica 6:15

Midtuman nu is saad nu te suluǥuen nu he si David he amey ku. Iyan ka kayi midsaad, ne midtuman nu heini guntaan he andew.

Job 34:29

Piru minsan ebpereremek wey ed-eles is Megbevayà, ne wazà ebpekekaǥi he kenà hustu is ebeelan din. Piru is tutuu, ebentayan te Megbevayà is menge etew wey is menge nasyun,

Salmo 72:1

He Megbevayà, penurua nu is hadì te kenikew he paaǥi te kedhukum he metazeng,

Salmo 72:7

Dutun te timpu te kedhadì din, berakat he kenà egkaawà is ketazeng ne kenà egkaawà is kegkemeuswaǥen te ked-ubpà te menge etew taman te taman.

Isaias 26:12

“Nengazen, beǥayi key te meupiya he kebpkesavuk. Su is langun he nehimu zey nehimu zey tenged te tavang nu.

Isaias 45:7

Iyan a mibaal te kerayag wey kerusireman. Kediey he ketau is keupiyaanan wey kezeetan. Iyan a Nengazen, iyan a mibaal kayi te langun.

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Isaias 66:12

Su migkaǥi is Nengazen te, “Ibpeuswag ku is Jerusalem; iring te edeleman te menge ketiǥeyunan, su ed-uwiten diyà te kandin is menge ketiǥeyunan te menge nasyun. Ed-etimanen kew te Jerusalem iring te vatà he edsepipiyen, ibpesusu, wey edsekepuwen te iney zin.

Haggai 2:9

Egkehimu he edhuna pa he mekempet heini is beǥu he valey te Nengazen kenà duen te nehuna. Ne ibeǥey ku is meupiya he kebpekesavuk kayi he lugar. Iyan a, is Nengazen he Mekeǥeǥehem, is migkaǥi kayi.”

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.