1 Cronica 22:3 - Manobo Western Bukidnon OT

³ Mibeǥey si David te utew mezakel he menge putew he ebeelan he menge ransang wey menge bisagra para te menge ǥemawan, wey mezakel he menge brunsi he kenè en egketimbang tenged te keveǥat din.

1 Cronica 22:3 ပူးပေါင်းရင်းမြစ်များ

1 Hadì 7:47

Dekelà heini he menge vutang umbe wazè en ipetimbang ni Solomon; wazè en metueni ke pira he kilu he menge brunsi.

1 Cronica 22:14

Midheǥuan ku is kedteǥana te menge egkeǥamit kayi te kedtukuza te valey te Nengazen–3,500 he tunilada he vulawan, 35,000 he tunilada he pelata, wey mezakel pa he menge brunsi wey menge putew he kenè en egketimbang tenged te keveǥat dan. Midteǥana a zaan te menge kayu wey menge vatu, piru kinahanglan he umani nu pa heini.

1 Cronica 29:2

Mibeelan ku is taman te egkehimu ku te ked-andam te menge gamit para te valey te Megbevayè ku: menge vulawan, pelata, brunsi, putew, kayu, mahalen he menge vatu he uniks, ismiralda, menge vatu he nekedseselekawà is barek, wey zuma pa he utew menge mekempet he menge vatu wey mehabet he menge marmul.

1 Cronica 29:7

Mibeǥey sikandan para te kebeeli zuen te valey te Megbevayà te menge 175 he tunilada he vulawan, 10,000 he selapì he vulawan, 350 he tunilada he pelata, 630 he tunilada he brunsi, wey 3,500 he tunilada he putew.

2 Cronica 4:18

Utew mezakel he brunsi is neǥamit ni Solomon, ne wazà metueni ke pira heini langun he kilu.

Jeremias 52:20

Dekelà, umbe hapit kenà egketimbang is menge brunsi he nekuwa zuen te zezuwa he tukud, duen te zekelà he teleǥuey te wahig he egngezanan te Daǥat, duen te 12 he mibpurma he vaka he mibpeuntuzan dutun, wey zuen te menge untuzà he para te kedhakut te wahig. Heini he menge azen mibpeveelan dengan ni Solomon he para zuen te valey te Nengazen.

Deuteronomio 8:9

Kenè kew egkeewaan te keenen kayi he tanà ne kenè kew egkekurangan te minsan hengkey. Kayi he tanà ebpekekuwa kew te menge putew he henduen dà te ebpengamì kew zà te vatu, ne dekelà daan is brunsi ziyà te menge vuntud.