1 Cronica 22:2 - Manobo Western Bukidnon OT

² Midsuǥù si David he meburunburun is kenà menge Israilihanen he zutun med-ubpà te Israel, ne mibpilì sikandin dutun te kandan te metau he ebasbas te menge vatu para te valey te Megbevayà.

1 Cronica 22:2 ပူးပေါင်းရင်းမြစ်များ

2 Samuel 5:11

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

1 Hadì 6:7

Hein mibangun haazà is baley te Nengazen, is menge vatu he migamit dutun, daan en he mibpenepsapan diyà te migkuwaan duen, umbe wazè en egkezineg he zaǥing te mertilyu, tiǥib, etawa minsan hengkey he ǥelemiten he putew.

2 Hadì 22:6

he iyan sikan is ed-andam te menge kayu, sikan is ebpurung dutun te valey wey te menge verengbeng kayi. Ne is duma he selapì ne para te ibpemasa zan te menge kayu wey menge vatu he vinesbasan en, he kinahanglan te kebpurungi zuen te valey.

1 Cronica 14:1

Dutun he timpu, midsuǥù si Hadì Hiram he hadì te Tyre te menge menunudtulà diyà te ki David duma is menge pandey, menge tigsimintu, wey mibpeuwit te menge kayu he sidru, su ebengunen dan is turuǥan ni David.

1 Cronica 29:1

Ne migkeǥiyan ni Hadì David is langun he menge Israilihanen te, “Si Solomon he anak ku he mibpilì te Megbevayà, betan-en pa ne wazè din pa kesinetian. Dekelà is buluhaten, su is edtukuzen he vilding ne kenà para te etew, kekenà, para te Nengazen he Megbevayà.

2 Cronica 2:16

ne ebpenempezen dey is minsan hengkey he kayu ziyà te Lebanon he egkinehenglanen nu. Ne ibpebpipikit dey heini ne ibpeǥampung dey zà heini te zaǥat pehendiyà te Jopa. Ne iyan kew uwit kayi ziyà te Jerusalem.”

2 Cronica 2:17

Impemelista ni Solomon is langun he kenà Israilihanen diyà te Israel iring te mibeelan te amey zin he si David, ne is kezakel 153,600.

Ezra 3:7

Mibeǥey is menge Israilihanen te selapì he ibayad te menge edsapsap te vatu wey te menge pandey. Mibeǥey zaan sikandan te menge keenen, menge inumen, wey lana he ibayad diyà te menge tig-Sidon wey te menge tig-Tyre para te menge kayu he sidru he ebpuun diyà te Lebanon. Heini he menge kayu, igkarga te varku ne ed-uwiten diyà te Jopa. Intuǥut heini ni Hadì Cyrus he hadì te Persia.