1 Cronica 17:2 - Manobo Western Bukidnon OT

² Midtavak si Natan diyà te ki David te, “Beeli nu is egkesuatan nu te ebaal, su is Megbevayà eduma kenikew.”

1 Cronica 17:2 ပူးပေါင်းရင်းမြစ်များ

2 Samuel 7:3

Midtavak si Natan dutun te hadì te, “Beeli nu is egkesuatan nu te ebaal, su is Nengazen eduma kenikew.”

1 Hadì 8:17

“Utew egkesuat is amey ku he si David he ebangun te valey he para te zengeg te Nengazen he Megbevayà te Israel.

1 Cronica 17:1

Hein diyè en med-ubpà si David te turuǥan din, ne migkeǥiyan din is ebpeneuven he si Natan te, “Kayi e en med-ubpà te utew mekempet he turuǥan he kayu he sidru is inhiman duen, piru haazà is Kavan te Kebpekid-uyun te Nengazen ne ziyè dà te tulda.”

1 Cronica 17:3

Piru te haazà he kezukileman mibpekidlalag is Megbevayà diyà te ki Natan,

1 Cronica 22:7

Migkeǥiyan ni David si Solomon te, “He mama, egkesuatan ku pezem he edtukud te valey te Nengazen para te kegkeveyawa te ngazan te Nengazen he iyan Megbevayè ku.

1 Cronica 28:2

Hein nengevurun dan en ne midhitindeg si David he migkaǥi te, “Pemineǥa a keniyu, menge suled wey menge keet-etawan ku. Egkesuat a he ebangun te valey te Nengazen para egkesevukan duen te Kavan te Kebpekid-uyun te Nengazen he Megbevayè tew, para zuen egkeuntuzan te paa zin. Ne neisip ku is edtukuzen en heini.

Salmo 20:4

Berakat he iveǥey zin kenikew is ebpengeduyen nu. Berakat he medlampus is menge pelanu nu.

Zacarias 8:23

Dutun he timpu, sepulù he etew he ebpuun diyà te nekedseselekawà he menge nasyun wey kineǥiyan is edhendiyà te sevaha he Judio he egkaǥi te, ‘Ipezuma key kenikew, su nezineg dey he nekiduma keniyu is Megbevayà.’ ”

Josue 9:14

Midsusi te menge Israilihanen haazà is menge lutù dan piru wazà sikandan mebpekisambag te Nengazen ke hengkey is ereg he ebeelan dan.

1 Samuel 10:7

Ne emun egketuman en heini, beeli nu en ke kengkey is meupiya, su zuma nu en is Megbevayà.

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”