Santiago 5:8 - Manobo Western Bukidnon

⁸ Ne sikitew zaan, kinahanglan he ed-entusen tew is kebpeketag̵ad tew. Edheg̵eten tew is kedsarig tew su meg̵aan en is andew te kedlikù te Nengazen.

Santiago 5:8 ပူးပေါင်းရင်းမြစ်များ

Lucas 21:19

Hamen kew is edsarig kediey su pinaag̵i kayi egkeangken niw is untung he wazà pidtemanan.”

Juan 21:22

Ne midtavak si Jesus te, “Emun iyan ku egkesuatan he kemulu pa sikandin uuyag keuzemà dutun te kedlikù ku zini te kelibutan, wazè nu kelavet. Sunud ke zà kediey.”

Ruma 8:25

Iyan, emun wazè pa meulaula haazà is edteg̵azan ta, kinahanglan he edtigker ki is edtag̵ad.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Pilipus 4:5

Kinahanglan he peketulanged kew te minsan hentei su meg̵aan en edlikù is Nengazen.

1 Tiselunika 1:10

Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.

1 Tiselunika 2:19

Umba egkesuatan ku he ed-uman a ebpenumbaley ziyan su tenged keniyu utew meheg̵et is kebperetenga zey te kedlikù ni Jesus su iyan kew igkelipey zey. Tenged keniyu kenè key egkeeled keuzemà, kekenà, igkezantal zey is kedtuu niw emun ed-etuvang kiw ki Jesus dutun te kedlikù din.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

2 Tiselunika 3:5

Berakat he ipesavut keniyu te Nengazen ke sengemenu kew zin kemahal ziyà te g̵ehinawa te Megbevayà wey himuwa zin he veg̵ayi kew ni Kristu te kelig-en wey niw maantus is kemereg̵enan.

Santiago 5:3

Midtangis is menge selapì niw wey vulawan su wazè niw g̵emita he idtavang. Ne is tangis, iyan tuus te keleleg̵ed niw ne tenged dutun utew mepait is silut keniyu keuzemà te andew te kedlimasa te menusiyà; su midtipig̵an niw is dekelà he kewasa kayi te menge ketepusan he andew.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

Impezayag 22:20

Si Jesus he iyan ebpirma kayi te langun, ke sikandin te, “Benar iyan he meg̵aan e en ebpekeuma!” Ne ke siak te, “Uya, Jesus he Nengazen dey, hendini ke en!”