Santiago 5:6 - Manobo Western Bukidnon

⁶ Su impesilutan niw wey mibunù niw is menge metazeng he etew, minsan pa te wazè dan medsukul keniyu.

Santiago 5:6 ပူးပေါင်းရင်းမြစ်များ

Mateo 21:38

Iyan, hein naahà dutun te impemeelima zin te perasan haazà is anak din, migkag̵i zan te, ‘Na, iyan en heini sikan is anak din; kuwa kew en su edhimetayan tew ne egkeangken tew en heini is perasan din.’

Mateo 27:20

Iyan, is menge punuan he memumuhat wey is menge ebmeg̵urangen, migkeg̵iyan dan is menge etew zutun he iyan dan hengyua he melibri si Berabas ne si Jesus, ibpehimetayan.

Mateo 5:39

Ne iyan kedì he penurù keniyu is: kenà egkehimu he ebelesan ta is ebpesipala kenita, kekenà, ebpurungan ta. Ne emun edtebpien din is kewanan he enaping ta, egkeg̵iyan ta he egkehimu pa ke elin din edtebpien is divaluy.

Nengeulaula 22:14

Ne ke sikandin te, ‘Is Megbevayà te menge apù tew, mibpilì ke zin su wey nu maahà is sulug̵uen din he metazeng wey nu zaan mezineg is egkeg̵iyen kayi kenikew wey nu zaan metueni is egkesuatan din.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Nengeulaula 8:32

Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

Hibriyuhanen 10:38

Ne haazà is menge sakup ku he nengehimu en he metazeng tenged te kedtuu zan kedì, ebeg̵ayan ku sikandan te untung he wazè din pidtemanan. Iyan, ke zuen minsan hentei kandan he edsuwey tenged te kegkehandek, utew ku igkeepes,” ke sikandin.

Santiago 2:6

Iyan, sikiyu mulà, wazè niw kedtahud dutun te egkengeayuayu. Hentei is ebpenlupig keniyu? Iyan is menge sepian. Ne hentei is edsumbung keniyu ziyà te etuvangan te huwis?

Santiago 4:2

Duen egkesuatan niw he kenè niw egkekuwa ne tenged dutun ebpekeisip kew te kebpemumunù. Duen egkeimahan niw, iyan, kenè niw egkeangken ne tenged dutun ebpekidsavè kew wey ebpekidtebek kew. Umba kenè niw egkekuwa is egkesuatan niw su kenè niw ebuyuen diyà te Megbevayà.

1 Pedro 4:18

Su zuen insurat he Lalag te Megbevayà he edhenduen te, “Emun mereg̵en he edlibriyen te silut is menge metazeng he etew, iyan pe be melibri sikan is menge etew he edsukul te Megbevayà wey memezaat is ulaula!”