Santiago 2:26 - Manobo Western Bukidnon

²⁶ Is lawa te etew, emun wazè din en gehinawa, egketuusan ta he minatey en ne wazè din en pulus. Ne iring din ded daan is kedtuu te minsan hentei su emun kenè egkezumahan haazà is kedtuu te menge ulaula he meupiya, wazà daan pulus dutun te kedtuu zin.

Santiago 2:26 ပူးပေါင်းရင်းမြစ်များ

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Santiago 2:14

Menge suled, wazà pulus te kedtuu te minsan hentei ziyà te Megbevayà emun kenà egketuusan is kedtuu zin pinaag̵i te menge ulaula he meupiya. Is kedtuu he iring dutun, ne kenà tutuu, ne kenà din igkelibri te silut.

Santiago 2:17

Iring din ded daan is etew he egkeg̵iyen din he edtuu sikandin, iyan, kenà meupiya is menge ulaula zin. Egkesavut ta zutun he kenè bes tutuu is kedtuu zin.

Santiago 2:20

Utew kenà metau he ed-isip is etew he iring dutun. Ebpenuruen ku sikiyu he is kedtuu ta, emun kenà egketuusan pinaag̵i te menge ulaula ta he meupiya, ne kenà ebpekelibri kenita te silut.