Santiago 2:16 - Manobo Western Bukidnon

¹⁶ Ne emun egkeg̵iyan tew zà sikandan te, “Ehè kew zà. Berakat he mekekuwa kew te egkeenen niw wey igkebisti niw,” iyan, kenè tew sikandan edtevangan, wazà pulus te migkag̵i tew.

Santiago 2:16 ပူးပေါင်းရင်းမြစ်များ

Mateo 15:32

Ne mid-umew ni Jesus is menge sumusundan din, ke sikandin te, “Kehizu kayi he menge etew su tetelu en he kezukileman is wazè dan medsuwey kediey, ne wazè dan en egkekaan. Kenà meupiya he ebpekeulì sikandan te wazè dan mekekaan su kela ke luyahi sikandan diyà te zalan.”

Mateo 25:35

Su hein nevitil a, impekaan a keniyu; ne hein nemezahan a, impeinum a keniyu; minsan wazà a keniyu mekilala, midawat a keniyu ziyan te valey niw.

Mateo 25:36

Hein wazè ku ugelingen mibeg̵ayan a keniyu; hein nezeruwan a, mid-elimahan a keniyu. Hein nepirisu a, midlauy a keniyu.’

Marcos 5:34

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Ruma 12:9

Kinahanglan he kenà tarù is kegkeg̵eg̵awi ta te menge zuma ta. Kinahanglan he utew ta igkeepes is mezaat he ulaula. Edhemenan ta is meupiya he ulaula.

2 Kurintu 8:8

Kenà heini kesug̵uan ku keniyu, kekenà, ibpesayud ku keniyu is dekelà he g̵ustu te zuma he menge tumutuu te kedtavang te menge zuma zan. Umba ibpesayud ku heini su wey niw meiringi. Ne pinaag̵i kayi egketuenan ku ke tutuu ve is keniyu he g̵ag̵ew.