Hibriyuhanen 9:25 - Manobo Western Bukidnon

²⁵ Ne is lavew he memumuhat te menge Hudiyu, ne kada tuig edseled sikandin dutun te utew mahal he rug̵u zutun te simbahan dini te kelibutan su ibpemuhat din is lengesa te langgam. Iyan, si Kristu mulà, wazà melelayun is kebpemuhata zin te lawa zin

Hibriyuhanen 9:25 ပူးပေါင်းရင်းမြစ်များ

Hibriyuhanen 10:10

Ne g̵eina te midtuman ni Jesu Kristu is egkesuatan te Megbevayà, nengepalis is menge salè tew pinaag̵i te kesevaha zà he kebpemuhata zin te keugelingen din he lawa.

Hibriyuhanen 10:19

Ne, menge suled, tenged te mibpehimatey si Jesus ne impetig̵is is lengesa zin, wazè en kegkelenew ta te kedseled pinaag̵i te ked-ampù dutun te utew mahal he rug̵u he seled te kurtina.

Hibriyuhanen 9:12

Ne kesevaha zà is kedseled din dutun te utew mahal he rug̵u te simbahan he ziyà te langit ne kenè en ed-uman. Ne wazà sikandin mekeseled dutun tenged te kebpelengesa zin te lengesa te menge ayam dà duen, iring te menge kambing wey menge nati he vaka, kekenà, nekeseled dutun tenged te impelengesa zin is kandin he lengesa. Ne tenged kayi te kebpemuhata te lawa zin, midhimu zin he wazà pidtemanan te kedlibriya zin kenita te silut.

Hibriyuhanen 9:14

Ne emun egkehimu he egkelumpiyuwan haazà pinaag̵i zà te lengesa te menge vaka wey kambing, iyan pe be kenà utew pa lavew is egkelumpiyuwan pinaag̵i te lengesa ni Kristu. Su pinaag̵i te tavang te Wag̵as he Mulin-ulin he wazè din pidtemanan, impemuhat ni Kristu ziyà te Megbevayà is kandin he lawa; ne wazà igkesewayi kandin. Ne pinaag̵i te kebpelisi kenita te lengesa zin, in-awè din is menge salè ta wey is kebpekesarig ta te menge ulaula he wazè dan pulus. Ne tenged kayi ebpekeazap ki en te wazè din kemetayen he Megbevayà.

Hibriyuhanen 9:2

Impehitindeg dan is simbahan he valey he terapal ne zezuwa is rug̵u zutun. Is sevaha, ne iyan kes egngezanan te mahal he rug̵u. Ne zutun dan isavuk is sulù, wey is lemisahan he zutun isavuk is supas he ibpemuhat diyà te Megbevayà.

Hibriyuhanen 9:26

su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.

Hibriyuhanen 9:7

Iyan, haazà is sevaha he rug̵u he egngezanan te utew mahal he rug̵u, iyan dà ebpekeseled dutun is lavew he memumuhat. Ne kesevaha zà sikandin edseled dutun te sengetuig. Ne emun ed-ahuk sikandin dutun, kinahanglan he ed-uwiten din is lengesa he ibpemuhat wey mepalis is menge salè din wey is menge salà he wazà tuyua te langun he menge zuma zin he kevuwazan ni Israyil.