Hibriyuhanen 7:18 - Manobo Western Bukidnon

¹⁸ Ibpesavut kenitew kayi he is daan he kesug̵uan, in-awè en te Megbevayà su wazè din pulus ne kenà ebpeketavang kenitew te menusiyà,

Hibriyuhanen 7:18 ပူးပေါင်းရင်းမြစ်များ

Nengeulaula 13:39

Kenè kiw egkelibri te menge salè tew pinaag̵i te kedtumana tew te kesug̵uan ni Moises, iyan, is minsan hentei he edtuu ki Jesus, egkelibri mulà sikandin.

Ruma 3:31

Ibpesavut ku he iyan dà ketezengan ke maan is ed-isipen ki zin he metazeng is kedtuu ta, iyan, kenè niw isipa he tenged kayi wazè en pulus te menge sug̵ù te Megbevayà su tenged te kedtuu ta ki Jesus, hustu en dutun is kegketumana ta te menge sug̵ù din.

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

Gelasya 3:15

Menge suled, duen penenglitan he ibpesavut ku keniyu. Su ke zuen ibpenaad te sevaha he etew he insurat diyà te dukumintu he mibpirmahan din ne mibpirmahan daan te menge tistig̵us, ne kenà egkehimu he edhelinan wey ed-umanan haazà te minsan hentei su nelig-enan.

Gelasya 3:17

Iyan ibpesavut ku kayi is: duen untung he wazè pidtemanan he impenaad te Megbevayà ki Abraham he kenà duwazuwa he edtumanen din su midlig-enan din. Daan en heini is penaad te wazè pa is kesug̵uan he imbilinbilin ni Moises su neug̵et pa zutun si Moises su menge heepat pa he g̵atus wey ketluan he tuig. Ne kenà egkehimu he egkeawà is penaad te Megbevayà pinaag̵i te kesug̵uan he imbilinbilin ni Moises. Kenà egkehimu he kenè edtumanen te Megbevayà is penaad din.

Gelasya 3:21

Ne kunaan niw vuwa ke kenà egkeuyun is kesug̵uan wey is menge penaad dengan te Megbevayà, iyan, kenà egkehimu he kenà heini egkeuyun. Su ke zuen kesug̵uan he pinaag̵i kayi egkeveg̵ayan kiw te untung he wazè din pidtemanan ne siguradu egkehimu kiw he metazeng pinaag̵i zaan kayi te kesug̵uan.

Gelasya 4:21

Sikiyu is egkesuat he ebpezizalem te kedtuman te kesug̵uan, ibpesavut ku keniyu ke hengkey is kehulug̵an kayi.

Gelasya 4:9

Iyan, guntaan te nekilala niw en is Megbevayà iring te kegkekilelaa zin keniyu, maan is edlikuan niw is wazà pulus he menge tuluuwen he kenà ebpekelibri keniyu te silut? Maan is egkesuatan niw he meuripen kew en maan kayi?

1 Timoteo 4:8

Duen deisek he pulus te kedlumbaza te lawa, iyan, utew zekelà is pulus te kedlumbaza te kedtuu ta su iyan ibmeupiya te kebpekesavuk tew minsan guntaan wey lavew en keuzemà ke ziyà ki en te langit.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

Hibriyuhanen 7:19

su kenà egkehimu he ed-isipen kiw he metazeng pinaag̵i te kedtumana kayi. Ne tenged kayi, imbeg̵ey en kenitew te Megbevayà is meupiya pa he egkeserig̵an he paag̵i. Ne pinaag̵i kayi, egkehimu he pinaag̵i te ked-azap tew ebpekeetuvang kiw en te Megbevayà.