Hibriyuhanen 5:8 - Manobo Western Bukidnon

⁸ Su minsan pa te Anak sikandin te Megbevayà, ingkepenurù gihapun kandin is kebpeketuman te sug̵ù te Megbevayà pinaag̵i te menge kemereg̵enan he nengeeg̵iyan din.

Hibriyuhanen 5:8 ပူးပေါင်းရင်းမြစ်များ

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Juan 10:18

Wazà a teg̵ela te minsan hentei he etew su ebpehimatey a te kediey he g̵ustu. Kediey zà he ketenged is kebpehimatey ku, ne kediey zà daan he ketenged is kebenhawa kediey su insug̵ù heini kediey te Amey ku he Megbevayà.”

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 6:38

Iyan igkeg̵iya ku kayi keniyu su midhendini a he ebpuun te langit wey ku metuman is egkesuatan te Megbevayà he midsug̵ù kediey; kenè ku iyan edtumanen is kediey zà he egkesuatan.

Pilipus 2:8

Ne zutun te etew en sikandin wazà sikandin mebpelavew, kekenà, mibpezumazuma sikandin te menge sug̵ù kandin te Amey zin he Megbevayà minsan pa te pinaag̵i kayi inransang sikandin te krus ne zutun mibpatey.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Hibriyuhanen 1:5

Su zuen insurat he Lalag te Megbevayà diyà te Anak din he edhenduen te, “Iyan ka Anak ku ne egkeg̵iyen ku kenikew he g̵untaan ibpeehè ku he Amey a kenikew.” Iyan, wazà belinsug̵uen din he migkeg̵iyan din te iring dutun te minsan keenu he timpu. Ne zuen pa insurat he Lalag te Megbevayà he edhenduen te, “Egkehimu he iyan a Amey zin ne iyan sikandin Anak ku.” Ne kenà iyan is belinsug̵uen egkeg̵iyen din dutun.

Hibriyuhanen 1:8

Ne iyan lalag din diyà te Anak din is: “Iyan ka Megbevayà ne wazà pidtemanan te kedhadì nu. Metazeng is kedumala nu te g̵inhedian nu.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.