Hibriyuhanen 2:16 - Manobo Western Bukidnon

¹⁶ Ne kenà iyan is menge velinsug̵uen din midtevangan din, kekenà, iyan kiw zin midtevangan is menge kevuwazan ni Abraham.

Hibriyuhanen 2:16 ပူးပေါင်းရင်းမြစ်များ

Ruma 2:25

Sikiyu is menge Hudiyu, kunaan niw ke zekelà is pulus te kebpesirkunsidar niw, ne zuen iyan pulus te kebpesirkunsidar ta emun egkepurungan ta te edtuman is kesug̵uan, iyan, ke kenè ta egkepurungan te edtuman is kesug̵uan ne iring ki zed te menge kenà Hudiyu he wazè mebpesirkunsidar.

Gelasya 3:16

Ne iring din ded daan su zuen impenaad te Megbevayà diyà te ki Abraham wey ziyà te kevuwazan ni Abraham he egkeug̵et pa zutun id-anak. Wazè din iyan keg̵iya he zuen penaad din diyà te menge kevuwazan ni Abraham su kenà mezakel is egkeg̵iyen din, kekenà, ke sikandin diyà te ki Abraham te, “diyà te kevuwazan nu.” Umba migkag̵i zin heini su sebsevaha zà he etew zutun te kevuwazan ni Abraham is ibpesavut din he iyan si Kristu.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Hibriyuhanen 12:10

Is amey ta zini te kelibutan, ne seled te mevavè dà he timpu is kebmensuwa zin kenita sumalà is neisip din he meupiya. Ne, is Amey ta ziyà te langit, iyan ibmensuwa zin kenita su wey ki metevangi ne wey ki zaan mehimu he mebmetazeng he iring kandin.

Hibriyuhanen 2:15

ne wey pinaag̵i kayi metevangi kiw zin ne libriya kiw zin te kemetayen. Su zengan te wazè kiw pa libriya, kenà egkeawà dini te kenitew is kegkehandek te kemetayen ne iring te menge uripen kiw zutun te kegkehandek.

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

Hibriyuhanen 6:16

Ne emun duen penaad te etew zà duen, iyan idlig-en din te penaad din is: duen lavew kandin he ibpepirma zin zutun te penaad din. Ne emun iyan heini ed-ul-ulahan din dutun te husayen, ebpeketuu te lalag din is ebpemineg dutun te penaad din.

1 Pedro 1:20

Te wazè pa limbag̵a is kelibutan, daan en si Kristu he intezù te Megbevayà wey mehimu he Menluluwas tew. Ne kayi te timpu g̵untaan, impezayag sikandin wey kiw mevelukasi.