Zacarias 9:7 - Marahay na Bareta Biblia

⁷ An mga Filisteo dai na nanggad magkakakan nin karneng igwa pa nin dugo, o nin ibang ipinapangalad na kakanon. Magigin kaayon sa sakong banwaan an gabos na matada sa sainda, asin ibibilang sinda na saro sa mga kamaganakan sa tribu nin Juda. An Ekron magigin kaayon kan sakong banwaan arog kan mga Jebuseo.

Zacarias 9:7 ပူးပေါင်းရင်းမြစ်များ

1 Mga Cronica 1:14

Si Canaan iyo man an ginikanan kan mga Jebuseo, Amoreo, Gergeseo,

1 Mga Cronica 21:15

Dangan nagsugo siya nin sarong anghel tanganing tunawon an Jerusalem; alagad nagbago siya nin isip asin nagsabi sa anghel, “Ontok! Tama na!” An anghel nin Kagurangnan nagtitindog sa may ginikan ni Arauna na Jebuseo.

Salmo 3:7

Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

Salmo 58:6

O Dios, ronota an mga ngipon kaining mariringis na leon; Kagurangnan, gabota an saindang mga tingo.

Isaias 65:4

Pagkabanggi, minaduman sinda sa mga lungib saka lulubngan tanganing makihumapot sa mga espiritu kan gadan. Nagkakakan sinda kan karne nin orig asin nag-iinom kan sabaw kan karne na idinolot sa mga paganong sakripisyo.

Jeremias 48:47

Alagad maabot an panahon na an Moab papauswagon giraray nin Kagurangnan. Ini gabos an itinaram nin Kagurangnan na mangyayari sa Moab.

Jeremias 49:39

Alagad maabot an panahon na papauswagon ko giraray an Elam. Ako, an Kagurangnan, an nagtaram.”

Jeremias 49:6

“Alagad pakalihis kaini, papauswagon ko giraray an Ammon. Ako, an Kagurangnan, an nagtaram.”

Amos 3:12

Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Zacarias 9:6

An Asdod pag-eerokan nin mga tawong gikan sa manlaen-laen na rasa. Nagtataram an Kagurangnan, “Papadukoon ko an mapalangkaw na mga Filistiong ini.

Zacarias 9:8

Babantayan ko an sakong daga asin dai ako matugot na pag-agihan iyan nin mga soldados. Dai na ako matugot na apihon giraray an sakong banwaan, huli ta nahiling ko kun paano sinda nagtios.”

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.