Zacarias 9:6 - Marahay na Bareta Biblia

⁶ An Asdod pag-eerokan nin mga tawong gikan sa manlaen-laen na rasa. Nagtataram an Kagurangnan, “Papadukoon ko an mapalangkaw na mga Filistiong ini.

Zacarias 9:6 ပူးပေါင်းရင်းမြစ်များ

Parahulit 6:2

an sarong tawo tinatawan nin Dios nin yaman, rogaring, kaomawan, saka gabos niyang kamawotan; alagad dai niya tinatawan nin kapangyarihan na gamiton iyan sa kaogmahan. An sarong dayuhan logod an igwa kan kapangyarihan na iyan. Ini mayo man nin halaga; sarong dakulang karaotan.

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 28:1

Herak man sa kahadean nin Israel! Nawawara na an saiyang kamurawayan siring sa korona nin burak sa payo kan burat niyang mga lider. Mahahamot an mga payo kan saiyang mga burat na lider, alagad naghihirigda na sinda na mayo nin pakaisi sa kaburatan.

Jeremias 47:1

Bago sinalakay kan hade nin Egipto an Gaza, nagtaram sako an Kagurangnan manongod sa mga Filisteo.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Amos 1:8

Hahaleon ko an mga pamayo kan mga syudad nin Asdod saka Askelon. Papadusahan ko an syudad nin Ekron, asin magagadan an natadang mga Filisteo.”

Sofonias 2:10

Siring kaiyan an pagpadusa sa mga taga Moab saka Ammon, huli kan saindang kapalangkawan asin kapaabaw-abawan patin pagtuyatuya sa banwaan kan Kagurangnan nin mga hukbo.

Sofonias 2:4

Mayo nin matatada sa syudad nin Gaza. Maharale an mga nag-eerok sa Askelon. Sa laog nin kabangang aldaw, papahaleon an mga namamanwaan sa Asdod, asin papahaleon an mga nag-eerok sa syudad nin Ekron.

Zacarias 9:5

Mahihiling ini kan syudad nin Askelon saka matatakot. Mahihiling man iyan kan syudad nin Gaza, asin mamimiripit iyan sa kulog. Arog man kaini an mangyayari sa Ekron, kaya mawawaraan siya nin paglaom. Magagadan an hade nin Gaza; an Askelon dai na pag-eerokan.

Zacarias 9:7

An mga Filisteo dai na nanggad magkakakan nin karneng igwa pa nin dugo, o nin ibang ipinapangalad na kakanon. Magigin kaayon sa sakong banwaan an gabos na matada sa sainda, asin ibibilang sinda na saro sa mga kamaganakan sa tribu nin Juda. An Ekron magigin kaayon kan sakong banwaan arog kan mga Jebuseo.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”