Zacarias 9:4 - Marahay na Bareta Biblia

⁴ Alagad kukuahon nin Kagurangnan an gabos na nasasadirihan nin Tiro, asin itatapok niya sa dagat an kayamanan kaini. Dangan gagabaon niya an syudad sa paagi nin kalayo.

Zacarias 9:4 ပူးပေါင်းရင်းမြစ်များ

Mga Talinhaga 10:2

An kayamanan na nakua huli sa pandadaya dai minatao nin karahayan, alagad an pagigin onesto pwedeng magligtas kan saimong buhay.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Isaias 23:11

Binikyaw na nin Kagurangnan an saiyang kamot sa ibabaw kan dagat asin rinumpag na niya an mga kahadean. Ipinagboot nin Kagurangnan na garabaon an mga sentro kan negosyo sa Fenicia.

Ezekiel 26:17

Aawiton ninda an panambitan na ini para sa saindo: Rumpag na an bantog na syudad! An saiyang mga barko nawara na sa dagat. An mga dagat pinaghadean kan mga tawo sa syudad na ini. Tinakot ninda an gabos na nag-eerok sa tampi kan dagat.

Ezekiel 28:16

An dakul mong negosyo iyo an nagdara saimo sa kadahasan asin sa kasalan. Kaya napiritan akong pahaleon ka sa sakong banal na bukid, asin pinahale ka kan bantay mong anghel sa tahaw kan nagkikintab na mga bato.

Ezekiel 28:18

Nagin maraot ka sa saimong pagnegosyo, kaya nadigtaan mo an saimong mga santwaryo. Huli kaiyan nagpadara ako nin kalayo sa syudad, asin tinutong ini. An gabos na naghihiling saimo ngunyan, nakakahiling nin sarong tambak nin abo.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:8

Gagadanon ka ninda asin itatapok ka sa sarong matubig na lulubngan.

Joel 3:8

Itutugot kong ipabakal man an saindong mga aking lalaki saka mga babae sa mga taga Juda; ini an mapabakal sainda sa mga Sabeo, sa sarong nasyon na harayo nin marahay. Ako, an Kagurangnan, an nagtaram.

Amos 1:10

Kaya papadarahan ko nin kalayo an mga kudal kan syudad nin Tiro asin susuloon ko an mga bantayan kaiyan.”

Zacarias 9:5

Mahihiling ini kan syudad nin Askelon saka matatakot. Mahihiling man iyan kan syudad nin Gaza, asin mamimiripit iyan sa kulog. Arog man kaini an mangyayari sa Ekron, kaya mawawaraan siya nin paglaom. Magagadan an hade nin Gaza; an Askelon dai na pag-eerokan.