Zacarias 9:12 - Marahay na Bareta Biblia

¹² Magpuli na kamo, mga itinapok na ngunyan igwa nang paglaom; magpuli kamo sa ligtas nindong mga harong. Ngunyan tinataraman ko kamo na babayadan ko nin dobleng bendisyon an gabos na tinios nindo.

Zacarias 9:12 ပူးပေါင်းရင်းမြစ်များ

An Libro ni Job 42:10

Pakatapos na ipamibi ni Job an tolo niyang katood, itinao giraray nin Kagurangnan ki Job an rogaring kaini; dinoble niya an kayamanan ni Job.

Isaias 24:22

Titiponon nin Dios sa sarong kalot an mga hade siring sa mga bilanggo. Ibubugtak niya sinda sa bilanggoan sagkod na dumatong an aldaw kan pagpadusa sainda.

Isaias 38:18

Mayong makakaomaw saimo sa kinaban kan mga gadan; dai makakasarig sa saimong kaimbodan an sarong gadan.

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Isaias 49:9

Sasabihan ko an mga bilanggo, ‘Puli na kamo!’ asin an mga nasa kadikloman, ‘Luwas kamo digdi sa liwanag!’ Makakaarog sinda sa mga karnero na nagsasabsab sa kabubuldan;

Isaias 52:2

Pagbangon, O Jerusalem! Maghale ka diyan sa alpog asin magtukaw ka sa saimong trono! Tangkasa an kadena na nakagapos saimo, bihag na banwaan nin Sion!

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Jeremias 14:8

Ika sana an paglaom nin Israel; ika an nagliligtas samo sa panahon nin kasakitan. Tadaw ta arog ka sa sarong dayuhan sa samong daga, arog sa sarong parabaklay na nakikitorog sana sa laog nin sarong banggi?

Jeremias 16:19

Kagurangnan, ika an nag-iingat sako asin nagtataong kosog; tinatabangan mo ako sa panahon nin kasakitan. Hale sa mga poro kan kinaban madolok saimo an mga nasyon saka masabi, “An mga dios kan samong mga ginikanan gabos mayong halaga.

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 31:17

May paglaom para saimo sa maabot na panahon; an saimong mga aki mapuli sa saindong harong. Ako, an Kagurangnan, an nagtaram.

Jeremias 31:6

Maabot nanggad an panahon na makurahaw an mga bantay hale sa kabubuldan nin Efraim, ‘Magtukad kita sa Sion, pasiring sa Kagurangnan na satong Dios.’”

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 51:10

Nagsasabi an Kagurangnan, “Nagkukurahaw an sakong banwaan, ‘Ipinahiling nin Kagurangnan na tama kita. Magduman kita sa Sion saka ipahayag ta an ginibo nin Kagurangnan na satong Dios.’”

Ezekiel 37:11

Nagtaram sako an Dios, “Aki nin tawo, arog sa mga tolang na ini an banwaan nin Israel. Nagsasabi sindang alang na sinda asin mayo na nin paglaom para sa maabot na panahon.

Oseas 2:15

Itatao ko giraray saiya an mga ubasan na sadiri niya asin an Kapantayan nin Kasakitan gigibohon kong sarong pintoan nin paglaom. Sisimbagon niya ako duman siring kan ginibo niya kan hoben pa siya, kan mag-abot siya hale sa Egipto.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Mikas 4:8

Ika, Jerusalem, iyo an lugar saen an Dios, arog sa sarong pastor sa bantayan, nagmamasid kan saiyang banwaan. Ika iyo man giraray an magigin pangenot na syudad kan kahadean na sadiri mo kaidto.

Nahum 1:7

Marahay an Kagurangnan; sinusurog niya an saiyang banwaan sa panahon nin kasakitan; inaataman niya an mga tawong minapaili saiya.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.