Zacarias 9:10 - Marahay na Bareta Biblia

¹⁰ Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Zacarias 9:10 ပူးပေါင်းရင်းမြစ်များ

1 Mga Hade 4:21

Pinamayohan ni Solomon an gabos na kahadean magpoon sa Salog nin Eufrates sakod sa daga kan mga Filisteo asin sa pagdolonan kan Egipto. Nagbuhis sinda asin naglingkod ki Solomon mantang nabubuhay pa siya.

Salmo 72:17

An saiyang ngaran magdanay logod sagkod lamang, an saiyang kabantogan magpadagos siring sa aldaw! An mga tawo bendisyonan logod huli sa saiya; apodon logod siyang paladan kan mga nasyon.

Salmo 72:3

Magin mauswag logod an daga, asin makanamit nin katanosan.

Salmo 85:8

Nagdadangog ako kan itinataram nin Dios na Kagurangnan, huli ta ipinapahayag niya an katoninongan sa saiyang banwaan, sa saiyang mga banal, na dai na mabalik sa saindang kasombikalan.

Salmo 89:26

Masabi siya sako, ‘Ika an sakuyang Ama, sakuyang Dios, asin an Gapo nin sakuyang kaligtasan!’

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Isaias 60:12

Alagad rurumpagon an mga nasyon na dai naglilingkod saimo.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Oseas 2:18

Sa panahon na iyan makikipagtipan ako sa gabos na lalaw na hayop saka mga gamgam, tanganing dai na ninda pagkulogan an sakong banwaan. Hahaleon ko man an gabos na armas nin gera sa daga, an gabos na espada saka pana, asin tutugotan kong mamuhay an sakong banwaan na matoninong asin ligtas.

Oseas 2:20

Ootobon ko an sakong panuga asin mapapasako ka, patin aakoon mo ako bilang saimong Kagurangnan.

Mikas 4:8

Ika, Jerusalem, iyo an lugar saen an Dios, arog sa sarong pastor sa bantayan, nagmamasid kan saiyang banwaan. Ika iyo man giraray an magigin pangenot na syudad kan kahadean na sadiri mo kaidto.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mikas 5:9

Madadaog kan Israel an saiyang mga kaiwal asin roronoton niya sinda.

Hageo 2:22

rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Mga Gibo 10:36

Aram nindo an mensahe na ipinadara niya sa mga Israelita, na ipinapahayag an Marahay na Bareta nin katoninongan sa paagi ni Jesu-Cristo, na Kagurangnan nin gabos na tawo.

2 Corinto 5:18

Ini gabos gibo nin Dios, na nakiolian sato huli ki Cristo, asin nagtao sato kan ministeryo nin pakipag-olian.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”