Zacarias 8:7 - Marahay na Bareta Biblia

⁷ Ililigtas ko an sakong banwaan hale sa mga dagang pinagdarahan sainda,

Zacarias 8:7 ပူးပေါင်းရင်းမြစ်များ

Nehemias 1:9

Alagad kun magbalik kamo sako asin magkuyog kan mga togon na itinao ko, titiponon ko kamo asin dadarahon sa lugar na pinili kong pagsambahan sako, maski pa magkawararak kamo sa mga poro nin kinaban.’

Salmo 113:3

Poon sa sirangan sagkod sa solnopan pag-omawon an ngaran nin Kagurangnan!

Salmo 147:2

Pinapatindog nin Kagurangnan an Jerusalem; ibinabalik niya an mga nabihag na Israelita.

Salmo 50:1

An Makakamhan na Dios, an Kagurangnan, nagtataram; inaapod niya an bilog na daga magpoon sa sirangan sagkod sa solnopan.

Isaias 49:12

Maabot an sakong banwaan hale sa harayong lugar, hale sa amihan saka sa solnopan, asin hale sa Aswan sa habagat.”

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Jeremias 31:8

Dadarahon ko sinda hale sa amihan saka titiponon hale sa mga poro kan kinaban. Magigin kaiba ninda an mga buta saka mga pilay, an mga bados asin an mangangaki na. Mabalik sinda na sarong dakulang nasyon.

Ezekiel 11:17

“Kaya sabihan mo sinda kan tataramon ko, an Kagurangnan Dios. Titiponon ko sinda hale sa mga nasyon na pinagwarakan ko sainda, asin itatao ko giraray sainda an daga nin Israel.

Ezekiel 36:33

Ini an itinataram nin Kagurangnan Dios, “Sa aldaw na linigan ko na kamo kan gabos nindong kasalan, tutugotan ko kamong mag-erok giraray sa saindong mga syudad asin maghirahay kan mga nagkararaot.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Malakias 1:11

Inoomaw ako kan katawohan magpoon sa sarong poro kan kinaban sagkod sa ibong na poro kaiyan. Nagtututong sinda nin insenso sa sako saen man na lugar asin nagdodolot sinda nin maninigong mga sakripisyo. Gabos sinda nag-oomaw sako!

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.