Zacarias 8:6 - Marahay na Bareta Biblia

⁶ “An siring kaini pwedeng sabihon kan mga nasyon na nagkatarada na dai mangyayari, alagad bakong imposible iyan para sako.

Zacarias 8:6 ပူးပေါင်းရင်းမြစ်များ

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

Salmo 118:23

Gibo ini nin Kagurangnan; iyan sarong ngangalasan sa satong panghiling!

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Jeremias 32:27

“Ako an Kagurangnan, an Dios kan gabos na tawo; mayo nin dipisil para sako.

Mateo 19:26

Hiniling sinda ni Jesus asin sinabihan, “Imposible ini para sa tawo, alagad an gabos posible sa Dios.”

Lukas 1:20

Alagad huli ta dai ka nagtubod sa mga sinabi ko na mangyayari pag-abot kan talaan na panahon, mapopola ka sagkod sa aldaw na maotob an mga itinaram ko saimo.”

Lukas 1:37

huli ta mayo nin imposible sa Dios.”

Lukas 18:27

Sinimbag sinda ni Jesus, “An imposible sa tawo, posible sa Dios.”