Zacarias 8:2 - Marahay na Bareta Biblia

² “Haloy ko nang minawot na tabangan an Jerusalem huli sa dakula kong pagkamoot sa saiyang mga namamanwaan, sarong pagkamoot na nagin dahelan kan pagkaanggot ko sa saiyang mga kaiwal.

Zacarias 8:2 ပူးပေါင်းရင်းမြစ်များ

1 Mga Cronica 12:19

Nagkapirang mga lalaki na gikan sa tribu ni Manases an nag-apil ki David kan maglakaw siya kaiba an mga Filisteo tanganing labanan si Hadeng Saul. An katotoohan, dai man tinabangan ni David an mga Filisteo huli ta nagkatarakot an mga hade kaini ta tibaad ipasaluib sinda ni David sa saiyang dating kagurangnan na si Saul; kaya pinabalik ninda sa Ziklag si David.

Isaias 59:17

Isusulot niya an hustisya siring sa sarong gubing na panggera asin an kapangganahan siring sa sarong helmet. Isusulot niya an gubing nin pagbalos tanganing tanoson an gabos na bagay asin tanganing baloson an mga karatan na tinitios kan mga tawo.

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Joel 2:18

Dangan ipinahiling nin Kagurangnan an saiyang pagmakulog sa saiyang daga; naherakan niya an saiyang banwaan.

Nahum 1:2

Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Zacarias 8:1

Itinao nin Kagurangnan nin mga hukbo an mensaheng ini ki Zacarias: