Zacarias 8:12 - Marahay na Bareta Biblia

¹² Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 8:12 ပူးပေါင်းရင်းမြစ်များ

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 27:28

Itao logod saimo nin Dios an ambon hale sa langit, magin matubang logod an saimong daga, dangan magdakul logod an saimong ani asin arak.

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

Salmo 72:3

Magin mauswag logod an daga, asin makanamit nin katanosan.

Salmo 85:12

Papauswagon kita nin Kagurangnan; dakul an magigin ani kan satong kaomahan.

Mga Talinhaga 19:12

An kaanggotan kan hade garo ungal kan leon, alagad an saiyang karahayan garo ambon sa ibabaw kan doot.

Isaias 30:23

Sa panahon na magtanom kamo nin banhi, mapadara nin uran an Kagurangnan asin magkakaigwa nin dakul na sabsabon an saindong mga hayop.

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Ezekiel 34:28

Dai na sinda hahabonan kan ibang mga nasyon, asin dai na sinda gagadanon dangan kakakanon kan mga lalaw na hayop. Matoninong sindang mag-eerok asin mayo nin magpapatakot sainda.

Ezekiel 36:12

Banwaan kong Israel, ibabalik ko kamo sa daga tanganing duman giraray mag-erok. Masasadirihan nindo iyan asin dai nanggad tutugotan kaiyan na magutom an saindong kaakian.

Ezekiel 36:30

Papadakulon ko an bunga kan saindong mga kahoy saka mga oma, tanganing dai na kamo magkaigwa nin gutom na masopog sa saindo sa tahaw kan mga nasyon.

Ezekiel 36:9

Kaapil nindo ako, asin hihingowahon ko na an saindong daga maarado giraray dangan matanoman.

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Oseas 14:5

Ako magigin arog sa uran sa sarong mamarang daga para sa banwaan nin Israel. Mamumurak sinda siring sa lirio; magigin pusog an saindang pagkagamot arog sa mga kahoy nin Lebanon.

Joel 2:19

Sinimbag niya sinda: “Ngunyan tatawan ko kamo nin trigo, arak saka lana nin oliba, asin mababasog kamo. Dai na kamo pagtutuyatuyaon kan ibang nasyon.

Joel 2:22

Mga hayop, dai kamo matakot. Berde na an mga pasabsaban; nagbubunga na an mga kahoy, asin dakul na an bunga kan higera saka ubas.

Levitico 26:3

“Kun kamo mamuhay sosog sa sakuyang mga togon asin magsunod kan sakuyang mga pagboot,

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Hageo 1:10

Kaya dai nag-uuran asin mayo nin anoman na nagtatalubo sa daga.

Hageo 2:18

Ngunyan iyo an ikabeynte y kwatrong aldaw kan ikasiyam na bulan poon kan ibugtak an pundasyon kan Templo. Horophoropa nindo an mangyayari poon ngunyan.

Hageo 2:19

Maski mayo nang natadang trigo, asin dai nagbunga an mga ubas, an mga kahoy na higera, granada asin oliba, alagad poon ngunyan bebendisyonan ko kamo.”

Zacarias 8:6

“An siring kaini pwedeng sabihon kan mga nasyon na nagkatarada na dai mangyayari, alagad bakong imposible iyan para sako.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

1 Corinto 3:21

Kaya dai dapat ipaghambog nin siisay man an magigibo nin mga tawo. An totoo, an gabos na bagay sadiri nindo:

Deuteronomio 32:2

Maghulog logod siring sa uran an sakong katukdoan, siring sa ambon sa ibabaw nin daga, siring sa tagiti sa mga doot saka mga tinanom.

Deuteronomio 33:13

Nagsabi si Moises manongod ki Jose: “Bendisyonan logod nin Kagurangnan an saiyang daga nin uran hale sa kaitaasan, nin tubig hale sa kairaroman.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.

Santiago 3:18

Asin an katanosan iyo an bunga kan itinanom sa katoninongan kan mga parapatoninong.