Zacarias 7:9 - Marahay na Bareta Biblia

⁹ “Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Zacarias 7:9 ပူးပေါင်းရင်းမြစ်များ

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

An Libro ni Job 31:20

tinatawan ko siya nin gubing na gibo sa lana, na gikan sa sadiri kong mga karnero. Dangan inoomaw niya ako sa bilog niyang puso.

An Libro ni Job 6:14

“Sa siring na kasakitan, maimbod na mga katood an kaipuhan ko— tinalikodan ko man an Dios o dai.

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Jeremias 7:5

“Bagohon na nindo an saindong gawe saka pamumuhay. Magin matanos kamo sa pagtratar sa lambang saro.

Ezekiel 18:8

Dai siya nagpapautang na may patubo. Minasayuma siya sa paggibo nin maraot asin nagtatao siya nin matanos na sentensya sa anoman na kaso.

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Oseas 12:7

Nagsasabi an Kagurangnan, “Bakong onesto an banwaan nin Israel arog kan mga taga Canaan; nandadaya sinda huli sa paggamit nin may dayang timbangan.

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Amos 5:24

Embes kaiyan, pabulosa nindo an hustisya siring sa pagbulos kan salog, asin an katanosan siring sa sapa na dai nagmamara.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

Zacarias 7:8

Itinao nin Kagurangnan an mensaheng ini ki Zacarias:

Mateo 23:23

“Herak man saindo, mga paratukdo kan Katogonan asin mga Fariseo! Mga parasagin-sagin! Nagtatao kamo sa Dios nin himoloan maski kan tinanom na panrekado siring kan anis, pamyenta asin komino. Alagad dai nindo kinukuyog an mas mahalagang katukdoan sa Katogonan arog kan katanosan, pagkaherak asin pagtubod. Ini an dapat nindong gibohon, dangan dai man nindo pagpabayaan an iba.

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Juan 7:51

“Sosog sa satong Katogonan, dai pwedeng hukoman an sarong tawo kun dai ngona siya dangogon o aramon kun ano an saiyang naginibo.”

Deuteronomio 22:1

“Kun mahiling nindo na nakabutas an baka o karnero kan saindong kapwa Israelita, dai kamo magpabaya; dakopon nindo an hayop asin ipuli saiya.