Zacarias 7:3 - Marahay na Bareta Biblia

³ saka maghapot sa mga padi asin sa mga propeta: “Dapat daw na ipadagos mi an pagmondo huli kan pagkagaba kan Templo, sa paagi nin pag-ayuno sa ikalimang bulan siring kan samong ginigibo sa laog nin haloy nang panahon?”

Zacarias 7:3 ပူးပေါင်းရင်းမြစ်များ

Esdras 3:10

Kan ibugtak kan mga paratugdok an pundasyon kan Templo nin Kagurangnan, an mga padi na nakasulot kan gubing na pangpadi saka may kapot na mga trumpeta, an mga Levita asin an kamaganakan ni Asaf nagpaenotan na may darang mga gimbal, tanganing omawon an Kagurangnan sosog sa katukdoan ni David na hade nin Israel.

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Joel 2:17

An mga padi, na naglilingkod sa Kagurangnan sa pagultanan kan altar asin kan pintoan kan Templo, kaipuhan na magtangis saka magpamibi: “Maherak ka sa saimong banwaan, Kagurangnan. Hare pagtugote an ibang nasyon na pagngisihan kami dangan pag-olog-ologon sa pagsabing, ‘Haen an saindong Dios?’”

Hageo 2:11

Nagtaram siya, “Hagadon mo sa mga padi na tawan nin desisyon an hapot na ini:

Zacarias 7:4

Iyo ini an mensaheng nag-abot sako hale sa Kagurangnan.

Zacarias 7:5

Nagsabi siya, “Taraman mo an mga tawo asin an mga padi na kan nag-ayuno saka nagmondo sinda sa ikalima saka ikapitong bulan sa laog nin setentang taon, bakong ako an saindang tinawan nin onra.

Zacarias 8:19

“An pag-aayuno na ginigibo sa ikaapat, ikalima, ikapito, asin ikasampolong bulan magigin mga pyesta nin kaogmahan saka kagayagayahan para sa mga taga Juda; kaya kamotan nindo an katotoohan asin an katoninongan.”

Malakias 2:7

Katongdan kan mga padi na magtukdo kan tunay na pakaaram manongod sa Dios. Kaipuhan na magdolok sa mga padi an mga tawo tanganing makanood kan sakong kabotan, huli ta sinda an mga sugo kan Kagurangnan nin mga hukbo.

Mateo 9:15

Nagsimbag si Jesus, “Magmomondo daw an mga bisita sa kinasal mantang kaiba pa ninda an nobyo? Alagad maabot an panahon na an nobyo hahaleon sa kaibahan ninda, dangan na sinda mag-aayuno!

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.

Deuteronomio 33:10

Huhulitan ninda an saimong banwaan na magkuyog kan saimong katogonan; madolot sinda nin mga atang sa ibabaw kan saimong altar.