Zacarias 7:14 - Marahay na Bareta Biblia

¹⁴ Arog sa sarong bagyo, ipinalid ko sinda sa harayo tanganing mag-erok sinda sa mga dayuhan na daga. Nagin sarong mamondong lugar an marahay na dagang ini, na mayo nin nag-eerok.”

Zacarias 7:14 ပူးပေါင်းရင်းမြစ်များ

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Salmo 58:9

Siring sa doot, berde man o alang, sighidon logod sinda nin Dios, bago magkaigwa nin tonok.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 21:1

Iyo ini an mensahe dapit sa Babilon. Siring sa sarong aripuros na minaagi sa Negeb hale sa kalangtadan, an kasakitan maabot hale sa sarong makatatakot na daga.

Isaias 60:15

“Kun kaidto pinabayaan ka asin kinaongisan patin dai inaagihan nin tawo, alagad ngunyan gigibohon takang dakula asin magayon, sarong lugar nin kaogmahan sagkod pa man.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 12:10

Rinaot kan dakul na pamayong dayuhan an sakong ubasan; tinimaktimakan ninda an sakong mga oma; ginibo nindang desyerto an sakong magayon na daga.

Jeremias 23:19

An saiyang kaanggotan sarong bagyo, sarong makosog na doros na mahampak sa payo kan mga tampalasan,

Jeremias 30:23

An kaanggotan nin Kagurangnan sarong bagyo, sarong makosog na doros na naghahagubohob sa ibabaw kan mga payo kan mga tampalasan. Dai iyan matatapos sagkod na dai niya nagigibo an gabos na boot niyang gibohon. Malinaw na masasabotan iyan kan saiyang banwaan sa maabot na aldaw.

Jeremias 36:19

Tinaraman ninda siya, “Magtago kamo ni Jeremias. Dai nindo ipagpaisi maski kiisay man kun haen kamo.”

Jeremias 44:6

Kaya an sakong labi-labing kaanggotan inula ko sa mga banwa nin Juda asin sa mga tinampo nin Jerusalem, saka sinulo ko an mga ini. Naraot asin nagin sarong tanawon na nakakatakot ini sagkod ngunyan.

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Jeremias 52:30

kan ikabeynte y tres na taon nin saiyang paghahade, binihag ni Nebuzaradan, an syete syentos kwarenta y singkong Judio. An kabilogan na bilang kan mga binihag uminabot sa kwatro mil seis syentos katawo.

Ezekiel 12:19

Sabihan mo an bilog na nasyon na iyo ini an mensahe kan Kagurangnan Dios para sa banwaan nin Jerusalem, na nag-eerok pa sa saindang daga. Magtatakig sinda mantang nagkakakan asin magkokobogkobog sa takot mantang nag-iinom. Huhubaan an saindang daga, huli sa kadahasan kan mga nag-eerok duman.

Ezekiel 22:15

Iwawarak ko kamo sa gabos na daga asin nasyon; tataposon ko an saindong mga maraot na gibo.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Daniel 8:9

An saro sa apat na sungay nagsanga nin sadit na sungay, na an kapangyarihan nakakaabot sa habagat saka sa sirangan asin pasiring sa Dagang Panuga.

Oseas 9:17

An Dios na sakong pinaglilingkodan masikwal kan saiyang banwaan, huli ta dai sinda nagdangog sa saiya; magigin mga lagalag sinda sa mga nasyon.

Joel 2:3

Arog sa kalayo, kinakakan ninda an mga tinanom. An daga sa atubang ninda nakakaagid sa Tatamnan nin Eden, alagad saindang binabayaan na garo mayong tanom na kalangtadan. Mayo nin nakakadulag sa sainda.

Levitico 26:22

Papadarahan ko kamo nin mga maringis na hayop na magadan kan saindong kaakian, asin makakan kan saindong mga ataman na hayop tanganing kadikit na sana an matada saindo kaya mayo na nin maglalakaw sa saindong mga dalan.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Amos 1:14

kaya papadarahan ko nin kalayo an mga kudal kan syudad nin Rabba asin susuloon ko an mga bantayan kaiyan. Dangan magkakaigwa nin kinurahaw sa aldaw nin gera, asin an ralaban magigin mangirhat siring sa sarong bagyo.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Habakkuk 3:14

Tinuhog kan saimong mga bosog an pamayo kan saiyang hukbo kan ini nag-abot siring sa sarong bagyo, sa pagwarak samo, nagngingisi ini arog kan mga tawong hilom na nang-aapi kan mga dukha.

Sofonias 3:6

Nagtataram an Kagurangnan, “Pinara ko an mga nasyon; rinaot ko an saindang mga syudad asin binayaan kong rumpag an saindang mga kudal saka mga tore. Nagharale na an mga nag-eerok sa mga syudad; mayo nin tawo sa mga tinampo—mayo nin nawalat maski saro.

Zacarias 2:6

Tinaraman nin Kagurangnan an saiyang banwaan, “Iwinarak ko kamo sa gabos na direksyon, alagad dumulag kamo hale sa Babilonia asin bumalik kamo sa Jerusalem.

Zacarias 8:1

Itinao nin Kagurangnan nin mga hukbo an mensaheng ini ki Zacarias:

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Deuteronomio 4:27

Iwawarak kamo nin Kagurangnan sa ibang mga nasyon saen nagkapira sana sa saindo an matatadang buhay.