Zacarias 7:12 - Marahay na Bareta Biblia

¹² asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

Zacarias 7:12 ပူးပေါင်းရင်းမြစ်များ

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 50:17

Habo kang sagweon; tinalikodan mo an mga pagboot ko.

Exodo 7:13

Maski siring, padagos na nagmatagas an hade, asin habong magdangog ki Moises dangan ki Aaron sosog sa itinaram nin Kagurangnan.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Jeremias 17:1

Nagsasabi an Kagurangnan, “Mga taga Juda, an saindong mga kasalan isinurat sa paagi kan lansang na pluma; inukit iyan nin sarong pang-ukit na dyamante sa saindong mga puso saka sa mga sungay kan saindong mga altar.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 7:20

Kaya ako, an Kagurangnan Dios, an maula kan labi-labi kong kaanggotan sa Templong ini. Iuula ko iyan sa mga tawo saka sa mga hayop, asin maski sa mga kahoy saka sa mga tinanom. Malaad an sakong kaanggotan asin mayo nin siisay man na makakasigbo kaiyan.

Ezekiel 11:19

Tatawan ko sinda nin bagong puso asin espiritu. Hahaleon ko sa sainda an sutil na pusong gapo asin riribayan ko iyan nin makinuyog na pusong laman.

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.

Ezekiel 2:4

Matagas an saindang payo asin dai ninda ako ginagalangan, kaya sinusugo taka tanganing sabihan sinda na ini an tataramon ko, an Kagurangnan Dios.

Ezekiel 36:26

Tatawan ko kamo nin bagong puso, asin bubugtakan ko kamo nin bagong espiritu. Hahaleon ko sa saindo an sutil na pusong gapo asin tatawan ko kamo nin pusong makinuyog.

Zacarias 1:2

Sinabihan kan Kagurangnan nin mga hukbo si Zacarias na taraman an mga tawo nin siring, “Ako, an Kagurangnan, naaanggot sa saindong mga ginikanan,

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

Mateo 13:15

huli ta kulapos an isip kan mga tawong ini; tinatahoban ninda an saindang mga talinga, pinipirong ninda an saindang mga mata, ta tibaad sinda makamaan, o makadangog, o makasabot, dangan magdolok sako nganing paomayan ko.’

Markos 4:12

tanganing ‘maski anong hiling ninda, dai sinda makakamaan, maski anong dangog ninda, dai sinda makakasabot; huli ta kun makahiling sinda asin makasabot, tibaad magbalik sinda sa Dios asin patawadon niya sinda.’”

Lukas 8:12

An mga banhing nahulog sa dalan garo an mga tawong minadangog, alagad minaabot an Demonyo dangan inaagaw an tataramon nin Dios na isinabwag sa puso ninda tanganing dai sinda magtubod saka dai makaligtas.

Mga Gibo 28:27

Huli ta nagin matagas an puso kan mga tawong ini; tinakpan ninda an saindang mga talinga, piniyong an saindang mga mata. Ta kun dai, nakahiling kutana sinda asin nakadangog; nakasabot kutana sinda, dangan nagbalik sako, tanganing bolongon ko sinda.’”

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.