Zacarias 7:11 - Marahay na Bareta Biblia

¹¹ “Alagad habo sindang maghinanyog. Sinerahan ninda an saindang mga isip

Zacarias 7:11 ပူးပေါင်းရင်းမြစ်များ

2 Mga Cronica 33:10

Maski pinatanidan nin Kagurangnan si Manases asin an saiyang banwaan, alagad dai sinda nagdangog.

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Isaias 28:12

Kapahingaloan saka karangahan an inalok niya sa saindo, alagad habo kamong magdangog saiya.

Isaias 46:12

“Dangoga nindo ako, mga tawong matagas an payo, na nag-iisip na harayo pa an kapangganahan.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Isaias 65:12

Magigin palad nindo an magadan sa madahas na paagi, huli ta dai kamo nagsimbag kan apodon ko kamo, ni nagdangog kan ako magtaram. Pinili nindong isikwal ako asin naggibo kamo nin maraot.

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 13:10

An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 17:27

Alagad dapat na kuyogon ninda ako, asin ipaglehe ninda an Sabbath bilang sarong banal na aldaw. Dai nanggad sinda magdara nin anoman sa paglaog sa mga trangkahan nin Jerusalem sa aldaw na iyan. Kun dai, susuloon ko an mga trangkahan nin Jerusalem. Masusulo an mga palasyo nin Jerusalem, asin mayo nin siisay man na makakasigbo kan kalayo.”

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 44:16

“Dai mi hihinanyogon an sinasabi mo samo sa ngaran nin Kagurangnan.

Jeremias 5:21

Pagdangog kamo, lolong saka mangmang na mga tawo na igwang mga mata, alagad dai nakakahiling; na igwang mga talinga, alagad dai nakakadangog.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Jeremias 8:5

Banwaan ko, tadaw ta minatalikod kamo sako dangan dai na minabalik? Namugol kamo sa saindong mga dios-dios asin habo kamong magbalik sako.

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.

Ezekiel 3:7

Alagad dai ka dadangogon kan mga Israelita; habo ngani sindang magdangog sako, huli ta mga sutil sinda asin rebelde.

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Oseas 4:16

An mga taga Israel matatagas an payo siring sa mga mula. Paano ko sinda mapapakakan arog sa mga kordero sa sarong mahiwas na pasabsaban?

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Mateo 13:15

huli ta kulapos an isip kan mga tawong ini; tinatahoban ninda an saindang mga talinga, pinipirong ninda an saindang mga mata, ta tibaad sinda makamaan, o makadangog, o makasabot, dangan magdolok sako nganing paomayan ko.’

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Mga Gibo 7:57

Tinakpan ninda an saindang mga talinga, kasabay an pagkurahaw nin kosog. Dangan sarabay na dinaguso ninda si Esteban,

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?