Zacarias 7:10 - Marahay na Bareta Biblia

¹⁰ Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Zacarias 7:10 ပူးပေါင်းရင်းမြစ်များ

Salmo 140:2

Danay sindang nag-iisip nin karatan, danay na nagpopoon nin iriwal.

Salmo 21:11

Kun magplano sinda nin maraot tumang saiya, o magmawot nin karibokan, mayo nin mangyayari sa mga iyan.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 72:4

Surogon logod niya an mga dukha kan banwaan, iligtas an daing sukat asin ronoton an nang-aapi.

Exodo 23:9

“Dai mo pagdaog-daogon an sarong dayuhan; aram mo an namamatean niya, huli ta ika nagin dayuhan man sa daga nin Egipto.

Mga Talinhaga 3:29

Dai ka magplano nin maraot laban sa saimong kapwa, na nag-eerok sa kataed mo asin nananarig saimo.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 49:11

Walatan nindo sako an saindong mga aking ilo na sa ama, asin aatamanon ko sinda; tugoteng magsarig sako an saindong mga babaeng balo.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Ezekiel 18:12

Dinadaya niya an mga dukha, nanghahabon siya asin dai niya ipinupuli an isinangra kan nag-utang saiya. Nagduduman siya sa mga paganong altar asin nagsasamba sa makauuyam na mga dios-dios,

Ezekiel 22:12

An iba sa sainda nagpapatandan tanganing manggadan. An iba nagpapautang sa kapwa Israelita na igwa nin dakulang tubo. Nalingawan na ninda ako.” An Kagurangnan Dios an nagtaram.

Ezekiel 22:29

An mga mayaman nandadaya saka nanghahabon. Inaapi ninda an mga dukha asin pirit na kinikikilan an mga dayuhan.

Ezekiel 22:7

Mayo nin siisay man sa syudad na minagalang sa saiyang mga magurang. Dinadaya nindo an mga dayuhan asin inaabuso an mga babaeng balo saka mga ilo.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

Deuteronomio 27:19

“‘Maldisyonon an siisay man na magbiko kan katanosan nin sarong nakikihimanwa, ilo, asin babaeng balo.’ “Dangan an bilog na banwaan masimbag, ‘Amen!’

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

1 Juan 3:15

An siisay man na naoongis sa saiyang tugang, sarong paragadan, asin aram nindo na an sarong paragadan mayo nin buhay na daing kataposan.