Zacarias 6:1 - Marahay na Bareta Biblia

¹ Nagkaigwa pa ako nin sarong bisyon. Sa bisyon na ini, nahiling ko an apat na karwahe na nagluluwas hale sa pagultanan kan duwang bronseng bukid.

Zacarias 6:1 ပူးပေါင်းရင်းမြစ်များ

2 Mga Hade 6:17

Dangan namibi siya, “O, Kagurangnan, buklata an mga mata niya tanganing makahiling siya!” Kaya binuklat nin Kagurangnan an mga mata kan sorogoon, asin nahiling kaini na an bulod pano nin mga kabayo saka karwaheng kalayo na nakapalibot ki Eliseo.

An Libro ni Job 34:29

“Kun siya magtoninong, siisay an makondenar? Kun tagoon niya an saiyang lalawogon, siisay an makakahiling saiya, nasyon man o tawo?

Salmo 33:11

Alagad an saiyang mukna magdadanay sagkod lamang; an saiyang mga kaisipan dai nin kataposan.

Salmo 36:6

Arog sa kabukidan nin Dios an saimong katanosan; an saimong mga paghukom arog sa dakulang kairaroman. Tawo asin hayop saimong inaataman.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Isaias 43:13

Ako an Dios asin magdadanay na Dios sagkod pa man. Mayong makakadulag sa sakong kapangyarihan; mayong makakaliwat kan sakong ginigibo.”

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Daniel 4:15

Alagad tadaan an pungo sa daga na may gakod na lansang saka bronse sa palibot. Bayaan nindo an pungo sa kaibahan kan mga doot sa oma. “‘Pabayaan nindong madumog kan ambon an lalaking ini asin paeroka siya sa kaibahan kan mga hayop saka mga tinanom.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 8:22

An apat na sungay na nagtunga pakatapos na mabari an enot na sungay iyo an apat na kahadean na magigin bunga kan pagkabanga kan nasyon, alagad bakong arog kakosog an mga iyan sa enot na kahadean.

Zacarias 5:1

Nagtingkalag giraray ako, asin nakahiling ako nin sarong librong naglalayog.

Zacarias 6:5

Nagsimbag siya, “An mga iyan iyo an apat na doros; nag-abot pa sana sinda hale sa atubangan nin Kagurangnan kan bilog na kinaban.”

Mga Gibo 4:28

Ginibo ninda an gabos na bagay na itinalaga mong mangyayari.

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.

Efeso 3:11

Ginibo ini nin Dios sosog sa daing kataposan niyang katuyohan na inotob niya sa paagi ni Cristo Jesus na Kagurangnan ta.

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.