Zacarias 5:4 - Marahay na Bareta Biblia

⁴ Nagtataram an Kagurangnan nin mga hukbo na papaluwason niya an maldisyon na ini, asin malaog iyan sa harong kan lambang mahabon asin lambang parasaksi nin putik; maontok iyan sa saindang mga harong dangan mahale kun gaba na an mga harong.”

Zacarias 5:4 ပူးပေါင်းရင်းမြစ်များ

An Libro ni Job 18:15

Nag-eerok sa saiyang tolda an bako niyang kadugo— pakatapos na mawirikan asin malinigan iyan nin asupre.

An Libro ni Job 20:26

An gabos niyang kayamanan mawawara; susuloon siya asin an saiyang pamilya kan kalayong bakong tawo an nagpagkot.

An Libro ni Job 8:15

Minasarig sinda sa harong kaini, alagad dai iyan minatagal; namumugol sinda sa lapat, alagad dai iyan nakakatabang na sinda makatindog.’”

An Libro ni Job 8:22

Alagad gugubingan niya nin kasosopgan an mga naoongis saimo, asin mawawara an mga harong kan mga maraot.”

Mga Talinhaga 3:33

An maldisyon nin Kagurangnan yaon sa harong kan maraot, alagad benebendisyonan niya an erokan kan matanos.

Isaias 24:6

Kaya minaldisyon nin Dios an daga asin nagbabayad na an mga tawo kan saindang kasalan. Tinurunaw niya an mga nag-eerok sa daga asin dikit na sana an natadang buhay.

Jeremias 2:26

Nagsasabi an Kagurangnan, “Arog kan mahabon na sinosopog kun nadadakop, kamong banwaan nin Israel sosopogon man—an saindong mga hade saka mga opisyal, an saindong mga padi saka mga propeta.

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Deuteronomio 28:16

“Mamaldisyonon nin Kagurangnan an saindong mga banwaan saka kaomahan.

Deuteronomio 7:26

Dai nindo pagdarahon sa saindong harong an arin man sa mga dios-dios na iyan, tanganing dai kamo mamaldisyon arog kan mga iyan. Kaongisan nindo an mga ladawan na iyan huli ta minaldisyon sinda nin Kagurangnan.

Josue 9:20

Papabayaan ta sindang mabuhay huli kan samong sumpa; kun dai, papadusahan kita nin Dios.