Zacarias 4:6 - Marahay na Bareta Biblia

⁶ Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Zacarias 4:6 ပူးပေါင်းရင်းမြစ်များ

Genesis 41:16

Nagsimbag si Jose, “Mahal na hade, bakong ako, kundi an Dios an mapaliwanag saimo.”

1 Mga Hade 19:12

Pakatapos kan linog nagkaigwa nin sarong kalayo, alagad mayo sa kalayo an Kagurangnan. Dangan pakatapos kan kalayo nadangog niya an sarong maluway na tingog.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

Esdras 2:2

An mga lider ninda iyo si Zerubabel, Josue, Nehemias, Seraias, Reelaias, Mardokeo, Bilsan, Mispar, Bigvai, Rehum, saka Baana. Iyo ini an lista kan mga kamaganakan nin Israel, kaiba an bilang kan mga kaayon kan lambang kamaganakan na nagbalik hale sa pagkatapokan:

Esdras 3:10

Kan ibugtak kan mga paratugdok an pundasyon kan Templo nin Kagurangnan, an mga padi na nakasulot kan gubing na pangpadi saka may kapot na mga trumpeta, an mga Levita asin an kamaganakan ni Asaf nagpaenotan na may darang mga gimbal, tanganing omawon an Kagurangnan sosog sa katukdoan ni David na hade nin Israel.

Esdras 5:2

Kan madangog sinda ni Zerubabel na aking lalaki ni Sealtiel dangan ni Josue na aking lalaki ni Jehozadak, pinonan kan mga ini an paghirahay kan Templo sa Jerusalem, asin tinabangan sinda kan mga propeta.

Salmo 33:16

An hade dai ikinakaligtas kan saiyang makosog na hukbo; an soldados, kan saiyang dakulang kosog.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Isaias 32:15

Alagad ipapadara giraray nin Dios sato an saiyang espiritu. An kalangtadan magigin sarong matubang na daga, asin an kaomahan mamumunga nin dakul na ani.

Isaias 34:16

Pagsiyasat kamo sa libro nin mga buhay na linalang kan Kagurangnan asin basahon nindo an sinasabi duman. Minsan saro sa mga linalang na ini dai mawawara, asin minsan saro sainda dai mawawaraan nin agom. Huli ta ipinagboot iyan nin Kagurangnan; siya mismo an matipon sa sainda asin matao sainda kan saindang kahirasan.

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Daniel 2:34

Mantang hinihiling mo an estatwa, may sarong dakulang gapo na nagpoon pagligid hale sa ampas, maski mayong siisay man na nagdotdot kaiyan. Tinamaan kaiyan an mga bitis na gibo sa pinaghalong lansang saka laboy, asin nagkaparasa an mga ini.

Oseas 1:7

Alagad mamomotan ko an mga taga Juda. Ako, an Kagurangnan na saindang Dios, an maligtas sainda, bakong sa paagi nin gera—o sa espada, pana saka bosog o sa mga kabayo asin mga parakabayo.”

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 2:21

para ki Zerubabel na gobernador nin Juda: “Tatanyogon ko na an kalangitan saka an kinaban;

Zacarias 6:12

Taraman mo siya na an Kagurangnan nin mga hukbo nagsasabi, ‘An lalaking inaapod An Sanga magtatalubo sa namumugtakan niya asin iyo an mapatindog giraray kan Templo nin Kagurangnan.

Mga Bilang 27:16

“Nakikimaherak ako Kagurangnan Dios, na ginikanan nin buhay, na magpili ka nin sarong lalaki na pwedeng mangenot sa banwaan

Efeso 6:17

Ikalo nindo an kaligtasan bilang helmet, saka kapotan an tataramon nin Dios bilang espada na itinatao saindo kan Espiritu.

1 Pedro 1:12

Ipinahayag sainda nin Dios na idtong gibo ninda bakong sa sadiri nindang karahayan kundi para saindo. An mga bagay na ini ibinareta na ngunyan saindo kaidtong mga naghulit kan Marahay na Bareta huli sa Espiritu Santo na hale sa langit. Maski an mga anghel boot man masabotan an mga bagay na ini.

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”