Zacarias 3:8 - Marahay na Bareta Biblia

⁸ Kaya hinanyoga Josue, ika na Halangkaw na Padi; dangoga man nindo, kamong mga kapwa niya padi, kamo na iyo an tanda kan marahay na pangyayari sa maabot na aldaw: ipapahayag ko an sakong sorogoon, na inaapod An Sanga!

Zacarias 3:8 ပူးပေါင်းရင်းမြစ်များ

Salmo 71:7

Ako nagin ngangalasan para sa kadaklan, alagad ika an masarig kong pailihan.

Isaias 11:1

May maluwas na sarong supang sa pungo ni Jesse, asin sarong sanga an matalubo hale sa saiyang mga gamot.

Isaias 20:3

Kan masakop an Asdod, nagsabi an Kagurangnan, “Tolong taon nang namuhay na huba saka mayo nin sandalyas an sakong sorogoon na si Isaias. Tanda iyan kun ano an mangyayari sa Egipto asin Etiopia.

Isaias 4:2

Maabot an panahon na papadakulaon asin papagayonon nin Kagurangnan an gabos na tinanom sa Israel. Mawiwilihan asin ipag-oorgulyo kan mga matatadang mga tawo an bunga kan daga.

Isaias 42:1

Nagsasabi an Kagurangnan, “Uya an sakong sorogoon, na sakong pinapakosog— an sakong pinili, an sakong nawiwilihan. Ibinugtak ko an sakong espiritu sa saiya, asin siya an matao nin hustisya sa gabos na nasyon.

Isaias 49:3

Sinabihan niya ako, “Israel, sorogoon taka; huli saimo, oomawon ako nin mga tawo.”

Isaias 49:5

Bago ako namundag pinili na ako nin Kagurangnan; ginibo akong sorogoon niya nganing ibalik an mga nagkawararak na tawo nin Israel. Tinatawan ako nin kaomawan kan Kagurangnan; an sakong kosog saiya minagikan.

Isaias 52:13

Nagsasabi an Kagurangnan, “Mag-uuswag an sakong sorogoon sa saiyang gibo; ilalangkaw siya asin gagalangan.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 53:2

Kabotan nin Kagurangnan na an saiyang sorogoon magtalubo siring sa sarong tinanom na nagkakagamot sa mamarang daga. Mayo siya nin porma o dignidad tanganing madagka kitang hilingon siya; mayo nin kagayonan tanganing mawoton ta siya.

Isaias 8:18

Uya ako sa kaibahan kan mga aki na itinao sako nin Kagurangnan. An Kagurangnan nin mga hukbo, na an trono nasa Bukid nin Sion, iyo an nagsugo sato bilang mga buhay na mensahe sa banwaan nin Israel.

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 33:15

Sa panahon na iyan, pipilion ko bilang hade an sarong matanos na kapagarakian ni David. Gigibohon kan hade an tama saka matanos sa bilog na daga.

Ezekiel 12:11

Sabihan mo sinda na an saimong ginibo sarong tanda kan mangyayari sainda—itatapok sinda asin mabibihag.

Ezekiel 12:6

Sa atubang ninda pasanon mo an saimong kagamitan asin lumuwas ka pasiring sa diklom na may tahob an mata tanganing dai mo mahiling an saimong padudumanan. An gigibohon mo magigin sarong patanid para sa mga Israelita.”

Ezekiel 24:24

Dangan ako an magigin tanda para saindo. Nagtataram an Kagurangnan na kun mangyari na ini, maaaraman nindo na siya an Kagurangnan Dios.”

Ezekiel 34:29

Tatawan ko sinda nin marahay na kaomahan asin tataposon ko na an gutom sa daga. Dai na sinda pagtutuyatuyaon kan mga nasyon.

Ezekiel 37:24

Sarong hade na arog ki David na sakuyang sorogoon an magigin hade ninda. Magkakasararo sinda sa irarom kan pamamayo nin sarong hade asin maimbod na kukuyogon ninda an sakuyang mga togon.

Zacarias 6:12

Taraman mo siya na an Kagurangnan nin mga hukbo nagsasabi, ‘An lalaking inaapod An Sanga magtatalubo sa namumugtakan niya asin iyo an mapatindog giraray kan Templo nin Kagurangnan.

Lukas 1:78

Huli sa pagkaherak nin satuyang Dios, papabanaagon niya sato hale sa itaas an aldaw nin kaligtasan,