Zacarias 3:7 - Marahay na Bareta Biblia

⁷ an Kagurangnan nin mga hukbo nagtaram: “Kun kukuyogon mo an sakong mga togon dangan susunodon an mga katongdan na itinao ko saimo, magpapadagos ka bilang parapamahala kan sakong Templo saka mga patyo kaiyan. Dadangogon ko an saimong mga pamibi, siring na dinadangog ko an mga pamibi kan mga anghel na nasa atubangan ko.

Zacarias 3:7 ပူးပေါင်းရင်းမြစ်များ

Genesis 26:5

Bebendisyonan taka, huli ta nagsunod sako si Abraham asin inotob niya an gabos kong mga togon asin mga pagboot.”

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Cronica 23:32

Sinda an mamamahala kan Tabernakulo asin kan Templo. Tatabangan ninda an mga aking lalaki ni Aaron, na saindang mga kadugo, sa paglingkod sa Templo.

Isaias 62:9

Alagad kamong nagtanom saka nag-ani iyo an magkakakan kan tinapay asin mag-oomaw sa Kagurangnan. Kamong nag-ataman dangan nagtipon kan mga ubas iyo an mag-iinom kan arak sa mga patyo kan sakong Templo.”

Ezekiel 44:8

Dai ninda inataman an banal na mga bagay sa sakong Templo, asin an mga dayuhan pa an saindang pinaataman kaiyan.

Ezekiel 48:11

An banal na lugar na ini para sa mga padi na kapagarakian ni Zadok. Maimbod sindang naglingkod sako, asin dai sinda naggibo nin maraot arog kan ibang mga Israelita saka arog kan ibang mga kaayon sa tribu ni Levi.

Levitico 10:3

Dangan sinabihan ni Moises si Aaron, “Iyo ini an itinaram nin Kagurangnan, ‘An gabos na naglilingkod sako, kaipuhan maggalang kan sakong kabanalan; ipapahiling ko an sakong kamurawayan sa sakong banwaan.’” Dai naggirong si Aaron.

Levitico 8:35

Kaya sa laog nin pitong aldaw saka banggi, dai kamo maghale sa may pintoan kan Tabernakulo; padagos na gibohon nindo an ipinagboot nin Kagurangnan, tanganing dai kamo magadan. Iyo iyan an ipinagboot sako nin Kagurangnan.”

Zacarias 3:6

Sinabihan kan anghel si Josue na

Zacarias 4:14

Dangan nagsabi siya, “Iyo iyan an duwang lalaking pinili nin Dios asin linahidan tanganing maglingkod saiya, an Kagurangnan kan bilog na kinaban.”

Zacarias 6:15

Maarabot an mga nag-eerok sa harayong lugar asin matarabang sinda sa pagpatindog giraray kan Templo nin Kagurangnan. Kun mahaman na iyan, maaaraman nindo na an Kagurangnan nin mga hukbo iyo an nagsugo sako sa saindo. Mangyayari an gabos na ini kun bilog nindong kukuyogon an mga pagboot kan Kagurangnan na saindong Dios.

Zacarias 6:5

Nagsimbag siya, “An mga iyan iyo an apat na doros; nag-abot pa sana sinda hale sa atubangan nin Kagurangnan kan bilog na kinaban.”

Mateo 19:28

Nagsimbag si Jesus, “Sa katotoohan sinasabihan ko kamo, sa Bagong Kinaban, kun an Aki nin Tawo magtukaw na sa saiyang mamurawayon na trono, kamo na mga disipulo ko matukaw man sa doseng trono, sa paghukom kan doseng tribu nin Israel.

Lukas 22:30

makakan saka mainom kamong kasabay ko sa Kahadean ko. Matukaw kamo sa mga trono sa paghukom sa doseng tribu nin Israel.”

Juan 14:2

Sa harong kan sakong Ama dakul an kwarto; maduman ako sa pag-andam nin lugar para saindo. Dai ko ini sasabihon saindo, kun bako ining totoo.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.